Tesalonikaƒuɔ 2 1:10 - Katɔti Ɔku Kedee

¹⁰ Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Tesalonikaƒuɔ 2 1:10 ပူးပေါင်းရင်းမြစ်များ

Kɔgya 68:35

Katɔti lɛlɔ libo líƒu na nwuna keliekɔ kedee kemmo. Na anwu ndi Israel Katɔti. Anwu muute nwuna bekyuli ɔyikun na ɔ́ya na bebo kenyekɔ. Bimwi Katɔti!

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Yesaia 49:3

Na ɔ́su-mi ɔnini, “Israel, awɔ ndi mina kabla ɔblane ɔni lɛlɔ na ɔkɛnku na bekyuli badubo-mi bumwi.”

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Mateo 24:36

“Ukyuli ɔdi ɔɔɔgyi limeyi iye uwi ɔni kemmo na ami, Ukyuli Ɔyawine Ubi, nsɔ ndubo. Katɔti batu baaagyi, na ami lɛnɔ lɛɛɛgyi. Ati lɛti kani ngyi.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 7:22

Na Katɔti litemi bɔtɛ limeyi ni, bekyuli pii badubɔsu-mi banii, ‘Blɔti! Bɔ́su ƒula kenye na bɔ́gya ayu ekpidi na ƒula lɛnyi kemmo. Na bɔ́bla akɔla budie taatina lidu lidu lɛnɔ na ƒula lɛnyi kemmo.’

Luka 10:12

Na mɔɔsu-mii kede kede nnii na litemi bɔtɛ limeyi ni, Katɔti ɔdubɔnu Sodom ɔma kɔnyana utulo ɔma ɔmmɔ!

Yohane 11:4

Ka Yesu únu kenye kamɛni ni, ɔ́su ɔnini, “Ɔlɛ ɔni na Lasaro uuƒi mɛni ni, ɔɔɔdi kukpi ndubɔdi-nwu kawɔlɔkɔ.

Yohane 17:10

“Bani ƒui na mbo ni, awɔ badi na badi. Na bani ƒui na ebo ni, ami badi na badi. Na bekyuli baakɔliku-mi lɛnyi katɔ ɔkɛnku ama ɔsu.

Korintoƒuɔ 1 1:6

Yesu Kristo lɛlɔ litemi lɛmɛni lɛ́kɛ keliekɔ na bina akɔ kaduɛ.

Korintoƒuɔ 1 3:13

Nsu si ɔtɔ ɔni na ɔdi biala ɔ́tu ɔdia iye ɔɔɔdia ni, Kristo limeyi bonwu lɛmmɔ ndubudie bana kabla bɔtina. Ɔsika limeyi lɛmmɔ lɛlɔ ni, ogya ndubo ɔdi biala kabla keyi budie. Ogya ɔmɛni ndubo kabla biala bɔkɔku bɔnu na ɔnu si kabla kammɔ kadia.

Galatiƒuɔ 1:24

Anwuɔsu beemwi Katɔti ɔkɛnku ami ɔsu.

Eƒesoƒuɔ 1:12

Ɔmɛni ɔsu ni, bɛya na abu bani ndi bekyuli bedeedi bani nákɛ lɛnunsia na Kristo kemmo mɛni ni, bumwi Katɔti ka ɔdia geen ɔsu.

Eƒesoƒuɔ 1:14

Katɔti Kɔyu kɔmɛni na úti únyene kama úte ala ani ƒui na bɔdubɔkɛ wetédu uwi ɔni na wawɔlɔ anwu badi bɔƒɔ. Ɔmɛni ɔdubɔya na bemwi nwuna lɛnyi bonwu lɛmmɔ.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Tesalonikaƒuɔ 1 2:1

Banwa, amii alati bɛgyi ka kabla kani ɔsu na búbo-mii kudɔ ni, kánwu ebi geen.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 2 1:12

Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Timoteo 2 1:18

Na muuvele Katɔti nnii ɔnu-nwu kɔnyana na Litemi Bɔtɛ Limeyi lɛmmɔ lɛlɔ. Awɔ ɔlati agyi kɔlɛ kɔlɛ kɔni na úbunku-mi na Eƒeso.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.