Korintoƒuɔ 2 9:8 - Katɔti Ɔku Kedee

⁸ Na Katɔti ɔkana na ute-ɔ lɛla biala kalɛ na akɛ ala ani ƒui na aawia uwi biala. Na akana ebunku na kabla kabuni biala kemmo kaduɛ.

Korintoƒuɔ 2 9:8 ပူးပေါင်းရင်းမြစ်များ

Ala Alɛdi 2 25:9

Mmɔ na Amasia údie kenye na úye kenye udiene ɔmmɔ ɔnini, “Na dɛ na ndubo bɔbla asa na masɔ makɛ mina sika ɔƒualadi ɔni ƒui na líti lɛƒɔ kayu na Israelƒuɔ bekpone bammɔ lili?” Amu na Katɔti kenye udiene ɔmmɔ ɔ́su-nwu ɔnini, “Unwoti ɔdubɔkana na ɔsɔku sika ɔmmɔ ute-ɔ utulo ɔni na éti áƒɔ kayu kammɔ muedi.”

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Agba 10:22

Unwoti kusɛ kusɛ mɔɔyá na ukyuli uunwíni ɔlakɛne, na kɔnyana kɔdi kulásia ɔmmɔ lɛlɔ.

Agba 11:24

Bekyuli badi bakya na beete bekyuli ala ku kaƒɔ, nsu bana lɛkɛ limomo teebu. Nsu babambadi lɛnɔ baabla lɛnumi, nsu baayila lɛla biala na bebo.

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Agba 3:9

Ti ƒula lɛkɛ teemwi Unwoti. Na eti ƒula edula biala ebi edeedi ete-nwu.

Hagai 2:8

Sika ɔƒualadi ku ugyiedi ƒui ami ɔdi na ɔdi,

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 2 13:3

Ka bɛɛwia bɛnu bɛti geen ka Kristo nkɛ-mi lɛlɔ ɔɔtɛmiku-mii ɔsu ni, bɛdubɔnu lɛla lɛni na bɛɛwia! Ulése buɛɛ ulete-mii si Katɔti ɔɔní-mii kɔtu. Na bɛdubɔti ka ubo ɔyikun na bina akɔ sɔsɔ.

Korintoƒuɔ 2 8:19

Ɔmmɔ kama lɛnɔ ni, ɔdi ukyuli ɔni na baƒɔtaadine akpa ammɔ báƒuna ka ɔsiaku-bu na bula bawabane ala bute kabla kani na bɔɔbla kemmo. Kabla kamɛni kadubɔya na bekyuli badubumwi Blɔti Yesu Kristo, na kaatina lɛnɔ ka ɔdi bula bɔyɔ ka bute baƒɔtaadine bakpana kebunku.

Korintoƒuɔ 2 8:2

Béduo bukpoku taanu kpakplaa kemmo na lɛbibo lɛni nébo-ma lɛlɔ ɔsu. Nsu ɔmɛni kemmo ƒui ni, ebiti áda-ma geen na lɛni kani na béte bekyuli ala pii ku kaƒɔ ƒaa ina ka badi bawabane geen.

Korintoƒuɔ 2 8:7

Ɔƒɛni ni, bɛtɔ bekyuli ƒui na lɛla biala kemmo. Sɔsɔ bɛtɔ na bina bɔƒɔtaadi kemmo ku bina bɔtɛmi ku litemi lɛmmɔ bɔti kemmo ku kalɛ na bɛɛwia ka bɛsiaku Katɔti kpakplaa ku kalɛ na bɛɛyɔ́-bu lɛnɔ kemmo. Nsu ɔlɛka bɛkya ɔkplu na bɛtɔ na bina lɛƒɔndia ala bute kemmo lɛni kani.

Korintoƒuɔ 2 9:11

Katɔti ɔdubɔya na bɛkɛ ala pii na lilu pii lɛlɔ kalɛ na amii lɛnɔ biteete bekyuli bamba ala pii. Na bekyuli bammɔ badubɔgya Katɔti enu na bina etela ani na búti búsienku-ma ɔsu.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Ƒilipiƒuɔ 4:11

Na ɔɔɔdi bɔsu na mɔɔsu nnii mɔɔyaki lɛla lɛdi, mmomu ka lɛ́tɛya kalɛ na lɛla biala na lɛ́kɛ liduku-mi ɔsu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Tesalonikaƒuɔ 2 2:17

Buuvele-nwu bɔnii, ute-mii ɔyikun na ɔkya-mii kayi ogya kalɛ na bɛsu na bɛbla ala abuni ƒui lɛnɔ.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Timoteo 2 3:17

Bénweni-nya kalɛ na ukyuli biala ɔni néti lɛlɔ úte Katɔti wamanku na ɔklibi-nwu ute ala abuni bɔbla.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Petro 1 4:10

Katɔti úte-ma etela lidu lidu na ukyuli biala ɔda nwuna lɛdi kaduɛ na uti ubunku nwuna bakpana ƒui.