Korintoƒuɔ 2 9:7 - Katɔti Ɔku Kedee

⁷ Bina akɔ ɔdi biala ute lɛla lɛni na anwu ɔlati ɔ́lɛ ugyii ka wete ku lɛlɔyɔ. Na utabla aani si ukyuli ɔdi nnye-nwu lɛlɔ asa na uute. Ɔsika Katɔti ɔɔyɔ́ ukyuli ɔni muute ala ku kaƒɔ ƒaa.

Korintoƒuɔ 2 9:7 ပူးပေါင်းရင်းမြစ်များ

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Ala Alɛdi 1 29:9

Na béte ala pii geen na lɛlɔ lɛ́yɔ-ma ku ebiti geen.

Israelƒuɔ Bɔlɛ 25:2

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ.

Israelƒuɔ Bɔlɛ 35:5

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ. Na akpala ani na adubo bɔƒɔ mmɔ ndi sika ugyiedi ku ɔƒualadi ku abuala egyiedi,

Agba 11:25

Bekyuli bani muute bekyuli ala ƒaa ni, ala aadianku-ma na eedú-ma ɔkwɛ. Lɛni kani na bekyuli bani muubunku bekyuli kalɛ na belie ku kayi ƒaa ni, ama alati lɛnɔ badubulie ku kayi ƒaa.

Agba 22:9

Bekyuli bani mbo lɛƒɔndia na beete bawabane ala ni, kusɛ kusɛ ɔdubɔsiaku-ma.

Yesaia 32:5

Basɔ balakya lili kalɔ belete badɔlɔdi ɔƒɛni amu. Na bekyuli bekpidi basɔ balákɛ kenyekɔ kadi na bekyuli akɔ aani babune.

Yesaia 32:8

Na bekyuli babuni ama baawia ulu ɔni lɛlɔ na basia beteebunku bekyuli. Na ɔmmɔ ɔsu na badubɔkɛ kusɛsɛ na benye kpakplaa uwi ƒui.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Lɛkpa Ulu 15:14

Mmomu te-nwu lɛla lɛdi siku ala ani ƒui na Katɔti ɔ́ya na ákɛ ɔkɛnku kusɛ kusɛ ɔni na úte-ɔ ɔsu ku kaƒɔ ƒaa. Bite-ma baƒonu ku bese ku edula ani bɛ́ƒɛ ku ntɛ bɔni bídie bíse kalɛ na ɔ́manku.

Ƒilemon 1:14

Nsu ni, naaayɔ ka lɛlɛ-ɔ kama lɛbla lɛla lɛdi kalɛ na kebunku biala na eete-mi ni, ulabla aani si bɔnya na nda-a lɛmana, mmomu kalɛ na abla-ni ku kaƒɔ ƒaa.

Yakobo 5:9

Banwa, bitadɔnku lɛlɔ, kalɛ na Katɔti lɛnɔ ulatɛku-mii litemi. Ɔsika Litemi Ɔtɛne ɔmmɔ úude na ɔ́ɔklibi lɛlɔ ka ɔda ɔlɛ.

Petro 1 4:9

Bɛbla lɛƒɔ bite bina bakpana na bɛƒɔ-ma na beduo-mii kudɔ ƒaa na bitakyaku-ma unyeƒi.