Korintoƒuɔ 2 9:5 - Katɔti Ɔku Kedee

⁵ Ɔmɛni ɔsu na lɛ́bla kasusu ka banwa bamɛni bagyu batɔ-mi bina kudɔ. Na bebunku-mii na bɛsala etela ani na bɛ́su ka bɛdubute mmɔ bise. Na bulayɔ ka ɔbla aani si ukyuli ɔdi nénye-mii lɛlɔ asa na bɛ́bla lɛni. Mmomu ɔdi kaƒɔ ƒaa ala bute.

Korintoƒuɔ 2 9:5 ပူးပေါင်းရင်းမြစ်များ

Ala Kalɔ Buse 33:11

muuvele-ɔ nnii ƒɔ mina etela ani na lɛ́ya na béti béboku-ɔ. Ɔsika Unwoti Katɔti ɔ́bla-mi lɛƒɔndia na lɛla biala na mɔɔwia ni, mbo-ni.” Na ka Yakob unye kpakplaa lɛni ɔsu ni, Esau ɔ́ƒɔ etela ammɔ.

Baga 2 5:15

Ɔmmɔ kama Naaman ku nwuna bekyuli bani ƒui nsiaku-nwu básɔ bénwini bésie Katɔti ukyuli ɔmmɔ kudɔ. Na úténye-nwu anumi na ɔ́su-nwu ɔnini, “Ɔƒɛni na lɛ́nu lɛ́ti ka Katɔti ɔdi uuubo kayawi uuutulo Israel lɛti pɛ.” Na úvele-nwu ɔnini, “Ƒɔ etela amɛni siku ƒula kabla ɔblane kudɔ.”

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Korintoƒuɔ 2 8:6

Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Korintoƒuɔ 2 9:3

Na ɔƒɛni ni, líti banwa bamɛni muumene-mii kalɛ na bula lɛmɛnɛ lɛni na bɔɔkun na bina lɛlɔ ni, lɛ́bla sɔsɔ. Na aani kalɛ na mɔɔsu uwi biala ni, ngyi ka bɛ́klibi bina ala ani na biti bite kebunku kammɔ bíse.

Korintoƒuɔ 2 9:6

Bɛya na ɔbla-mii nwaa ka ni, si ágya edula blii suɛ ni, adubɔƒɛ-nya blii suɛ lɛni kani. Na si ágya-nya pii ni, adubɔƒɛ-nya pii lɛnɔ.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Litemi Batɛne 1:15

Amu na ulekubi ɔmmɔ ɔ́su ɔnini, “Mɔɔyɔ́ ka abla-mi lɛƒɔndia sɛsɛɛ lɛdi na ete-mi abiɔ adi. Ɔsika kalɔ kani na éte-mi mmɔ kadi kalɔ kakwiidi.” Anwuɔsu Kaleb úte-nwu abiɔ anyɔ adi na kalɔ kammɔ katɔ ku kada kakɛ.

Samuel 1 25:27

Na aya na etela ani na ami ƒula kabla ɔblane liboku-ɔ mɛni aƒɔ-ɔ anu, na eti-nya ete ƒula bekyuli bani nsiaku-ɔ.

Samuel 1 30:26

Ka bébeduo Siklag ni, Dawid úti ala ani na béƒie báƒɔ bana bekisine kudɔ mmɔ adi úmene Yudaƒuɔ benengu bani na badi-nwu bakpana. Na ɔ́su-ma ɔnini, “Ɔmɛni ndi etela ani na líti muumene-mii ɔ́siku ala ani na búƒie bɔ́ƒɔ bɔ́siku Unwoti bekisine kudɔ.”