Korintoƒuɔ 2 9:15 - Katɔti Ɔku Kedee

¹⁵ Bɛya na bɔgya Katɔti enu na litela libendi geen lɛni na úti úte-bu ɔsu. Bulakana litela lɛmɛni kalɔ budie.

Korintoƒuɔ 2 9:15 ပူးပေါင်းရင်းမြစ်များ

Ala Alɛdi 1 16:35

Bɛva momoomo bɛnini, “Unwoti bula Ɔƒɔne, ƒɔ-bu ngba!” Na asiku-bu kɔlɔ bamba lɛlɔ asɔku abásala. Ya na lɛlɔ lɛyɔ-bu na bɔgya-a enu na bumwi ƒula lɛnyi kedee ku kudu.

Ala Alɛdi 1 16:8

Bɛgya Unwoti enu. Na bitaakpali-nwu lɛnyi. Bɛsu kadi bekyuli ƒui ala ani na ɔ́bla.

Kɔgya 30:12

Uwi ɔni na nkya kɔnyana kemmo ni, ntakana na limwi-ɔ. Nsu ɔƒɛni ni, lɛɛɛdubo mina kenye bubile mmomu ndubo-ɔ enu butaagya uwi ndi uwi.

Kɔgya 30:4

Amii bani nsiaku Unwoti kama siin ni, bidie lɛnu bimwi-nwu na bitaakali kalɛ na use kedee.

Kɔgya 92:1

Ɔdia ka butaagya awɔ Katɔti enu na budie lɛnu bumwi awɔ Unwoti Ɔyikune Ƒui.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Luka 2:38

Uwi ɔmmɔ kani kemmo ni, anwu lɛnɔ úbo na úti linugya úte Katɔti, na útemi ɔ́siku ubi ɔmmɔ lɛlɔ úte bekyuli bani ƒui nnye baanu Katɔti ulu ka waƒɔ Yerusalem.

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Romaƒuɔ 5:15

Nsu ni, bana inyɔ beeese unwi. Ɔsika Katɔti lɛƒɔndia lɛni na ukyuli ɔmɛni ɔdanku liiise aani ala ani na Adam bɔƒiɔ bɔmmɔ bɔdanku. Adam ɔdi ukyuli unwi ɔni bɔƒiɔ ɔsu na bekyuli pii békpi. Nsu Katɔti ɔdubɔya na ngba bɔƒɔ lɛƒɔndia lɛni nkɛnku Yesu unwi ɔmmɔ lɛlɔ libo lite bekyuli pii litulo na nwuna kaƒɔ buni ɔsu.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Korintoƒuɔ 1 15:57

Nsu bɔɔgyá Katɔti enu. Anwu náya na bɔ́di lɛlɔ ɔkɛnku Blɔti Yesu Kristo lɛlɔ!

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Korintoƒuɔ 2 9:11

Katɔti ɔdubɔya na bɛkɛ ala pii na lilu pii lɛlɔ kalɛ na amii lɛnɔ biteete bekyuli bamba ala pii. Na bekyuli bammɔ badubɔgya Katɔti enu na bina etela ani na búti búsienku-ma ɔsu.

Korintoƒuɔ 2 9:14

Na badubɔkpali katɔ na bina lili ku bɔyɔ geen na Katɔti lɛƒɔndia libendi lɛni na údie ɔ́tina ɔkɛ bina lɛlɔ ɔsu.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Budie Taatina 4:9

Ngba batu bammɔ beeti bumwi ku ɔbu ku linugya teete anwu ɔni nlie lɛgaboku lɛmmɔ lɛlɔ na uli ngba úsela ƒui. Na uwi biala na baabla lɛni ni,