Korintoƒuɔ 2 9:13 - Katɔti Ɔku Kedee

¹³ Bina kaƒɔ ƒaa kebunku kani biite bekyuli mɛni mɔɔtina ka bɛɛdi Kristo litemi buni lɛmmɔ lɛlɔ geen. Na kalɛ na biidie bina bɔƒɔtaadi keyi ku kalɛ na biile ala ani nse-mii teete lɛlɔ ku bekyuli bamba lɛnɔ ɔsu ni, bekyuli pii badubuti ɔbu bete Katɔti.

Korintoƒuɔ 2 9:13 ပူးပေါင်းရင်းမြစ်များ

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Luka 6:46

“Bi ɔsu na bɛɛlɔ-mi bɛnii Blɔti, nsu bilábla taasiaku lɛla lɛni na lɛ́su-mii lɛlɔ?

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 4:21

Amu na kasalakɔ benengu bammɔ bádɔnku-ma kaduɛ na báda-ma bányonu. Na ka bekyuli bammɔ ƒui bakya beemwi Unwoti na nwuna ablala ɔsu ni, bátakɛ lɛkwɛ lɛni lɛlɔ basia bani-ma kɔtu.

Romaƒuɔ 10:16

Nsu ni, ɔɔɔdi Yudaƒuɔ ƒui náƒɔ litemi buni lɛmmɔ. Ɔsika Yesaia ɔ́su ɔnini, “Blɔti, ɔma náƒɔ bula litemi ɔ́di?”

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Romaƒuɔ 15:31

Bɛkpali katɔ bivele Katɔti na udie-mi na Yudea bekyuli bani nátaƒɔ bátadi enu kemmo kalɛ na mina kabla na Yerusalem mmɔ kaƒɔ Katɔti bekyuli bammɔ anu.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Korintoƒuɔ 2 2:12

Uwi ɔni na líbo ḿbakɔ Kristo litemi buni lɛmmɔ lɛsa na Troia ni, Blɔti ɔ́lɛmi kuƒi ka lɛbla nwuna kabla na mmɔ.

Korintoƒuɔ 2 8:4

Ama bévele-bu banii bute-ma kuƒi na bebunku bekyuli bani mɔɔbla Katɔti kabla na Yudea kalɔ lɛlɔ.

Korintoƒuɔ 2 9:14

Na badubɔkpali katɔ na bina lili ku bɔyɔ geen na Katɔti lɛƒɔndia libendi lɛni na údie ɔ́tina ɔkɛ bina lɛlɔ ɔsu.

Galatiƒuɔ 1:24

Anwuɔsu beemwi Katɔti ɔkɛnku ami ɔsu.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Rut Keliela Ɔku 2:19

Amu ka Naomi ɔ́nu edula amɛni ni, úye Rut ɔnini, “Wɛ kakɛ na átála edula ɔmwi kadi? Na ɔma kemo na ákya ábla kabla? Muuvele Unwoti nnii ute ukyuli ɔmmɔ kusɛ kusɛ na lɛƒɔndia lɛni ɔ́bla-a mɛni ɔsu.” Amu na Rut ɔ́su Naomi ka ukyuli ɔni kemo na ɔkya ɔɔbla kabla mmɔ baalɔ banii Boas.