Korintoƒuɔ 2 9:10 - Katɔti Ɔku Kedee

¹⁰ Katɔti ɔni muute umonsene edula ani na ɔɔgya na uute-nwu adila na ɔɔdi ni, anwu ndubute-nwu edula agyadi ani ƒui na ɔɔwia. Lɛni kani na ɔdubɔya ukyuli siin ala ani na uute ɔya na nwuna kabla buni kanwu ebi pii na bekyuli akɔ.

Korintoƒuɔ 2 9:10 ပူးပေါင်းရင်းမြစ်များ

Ala Kalɔ Buse 47:19

Na alakana-bu bunye bɔnu na bukpi bɔyii ku udu na ƒula anumi na kalɔ kasɔ kewi ukpludi. Anwuɔsu ni, ye-bu ku bula kɔlɔ na ete-bu adila. Na buti ku bula kɔlɔ ƒui buse ɔkpa bute Ƒarao. Te-bu edula kalɛ na bɔkɛ bɔdi bulie ngba na bulekpi. Na kalɔ kammɔ kalasɔ kelewi ukpludi.”

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Yesaia 55:10

Ɔnantu ku etubankɛ aana taasi kayaa taayu kalɔ. Na ɔdi ulásɔ teenwini taakɔ katɔ na ulete kalɔ kammɔ bɔba na ɔya na bɛkɛ edula ebi pii ani na bɛkya na bɛkɛ adila bɛdi bimo.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Mateo 6:1

“Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.

Korintoƒuɔ 2 9:12

Ɔsika kabla kani na bɔɔbla teete baƒɔtaadine bani mɔɔyaki ala mɛni ni, uubunku-ma geen. Nsu ɔɔɔdi ɔmmɔ lɛti, mmomu ɔdubɔya na bekyuli pii bagya Katɔti enu uwi biala.

Korintoƒuɔ 2 9:6

Bɛya na ɔbla-mii nwaa ka ni, si ágya edula blii suɛ ni, adubɔƒɛ-nya blii suɛ lɛni kani. Na si ágya-nya pii ni, adubɔƒɛ-nya pii lɛnɔ.

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Tesalonikaƒuɔ 1 3:12

Na Blɔti ɔya na bina bɔyɔ bɔni bibo bite lɛlɔ bumomo bubu. Na bɛyɔ bekyuli bamba lɛnɔ aani kalɛ na bɔɔyɔ́-mii.

Tesalonikaƒuɔ 1 4:10

Na sɔsɔ ni, ɔdi litemi geen ka bɛɛyɔ́ bina banwa baƒɔtaadine bani nkya Makedonia. Nsu bɔsɔ buuvele-mii bɔnii bɛbla bitulo lɛni!