Korintoƒuɔ 2 8:7 - Katɔti Ɔku Kedee

⁷ Ɔƒɛni ni, bɛtɔ bekyuli ƒui na lɛla biala kemmo. Sɔsɔ bɛtɔ na bina bɔƒɔtaadi kemmo ku bina bɔtɛmi ku litemi lɛmmɔ bɔti kemmo ku kalɛ na bɛɛwia ka bɛsiaku Katɔti kpakplaa ku kalɛ na bɛɛyɔ́-bu lɛnɔ kemmo. Nsu ɔlɛka bɛkya ɔkplu na bɛtɔ na bina lɛƒɔndia ala bute kemmo lɛni kani.

Korintoƒuɔ 2 8:7 ပူးပေါင်းရင်းမြစ်များ

Mateo 25:22

“Kabla ɔblane ɔni náƒɔ egulabi aƒo anyɔ lɛnɔ úbo na ɔ́su ɔnini, ‘Ati, éte-mi egulabi aƒo anyɔ na lɛ́kɛ aƒo anyɔ bamba líbunku.’

Romaƒuɔ 15:14

Banwa, ami ɔlati lɛ́ƒɔ lɛ́di geen ka ala abuni bɔbla bɔ́ƒɔ-mii lɛlɔ kemmo ƒui. Na bɛgyi ala ƒui kalɛ na biti ala ammɔ bɛtina lɛlɔ.

Korintoƒuɔ 1 1:5

Ɔni bɛ́bla unwi ku Kristo ɔsu ni, bɛɛtí litemi buni lɛmmɔ na biidie-ni keyi na bínwini Kɔyu kemmo balakɛne lɛnɔ.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 12:8

Ɔdi anwu ni, Katɔti Kɔyu kúte-nwu litela lɛni náya na ɔti butemi ku lɛnunda ɔkɛnku Kɔyu kɔmmɔ lɛlɔ. Na ɔdi lɛnɔ ni, Kɔyu kɔmmɔ kúte-nwu litela lɛni náya na ɔti butemi ku lɛlati ɔkɛnku Kɔyu kɔmmɔ kani lɛlɔ.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 13:8

Bɔyɔ buuubo kawɔkɔ. Katɔti ala kenye budie bɔkya, nsu bɔdubo bɔwɔ ulu. Adi lidu lidu bɔtɛmi lɛnɔ bɔkya, nsu anwu lɛnɔ ɔdubo ulu bɔwɔ. Lɛlati lɛkya bɔdi, nsu nwuna uwi ɔdubo bɔvi.

Korintoƒuɔ 1 14:12

Ka bina ƒui anumi égyie ka bɛkɛ Kɔyu kemmo etela ni, bɛya na anumi egyie-mii na bɛkɛ etela ani mebunku baƒɔtaadine lɛkpa lɛmmɔ lɛtɔtɔ busie mmomu utulo.

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Korintoƒuɔ 2 7:7

Na ɔɔɔdi Tito bubo bɔmmɔ lɛti náya na bɔ́kɛ kubiti. Mmomu ɔ́su-bu ɔnii ala ani náyɔ-nwu kaƒɔ ni, anya ndi ka bɛɛyɔ́ ka bigyingya bina enu na bɛƒɔ-mi, na bina bɔƒiɔ búduo-mii, na binye-mi kama kpakplaa. Ɔmmɔ ɔsu na ebiti ásɔ áda-mi étulo.

Korintoƒuɔ 2 8:6

Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Korintoƒuɔ 2 9:14

Na badubɔkpali katɔ na bina lili ku bɔyɔ geen na Katɔti lɛƒɔndia libendi lɛni na údie ɔ́tina ɔkɛ bina lɛlɔ ɔsu.

Korintoƒuɔ 2 9:8

Na Katɔti ɔkana na ute-ɔ lɛla biala kalɛ na akɛ ala ani ƒui na aawia uwi biala. Na akana ebunku na kabla kabuni biala kemmo kaduɛ.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 1:9

Muuvele Katɔti nnii ɔya na bina bɔyɔ bɔni na bibo butaakɔ katɔ teebu na bɛkɛ lɛlati lɛni na biti bɛnu ala kemmo kaduɛ,

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.