Korintoƒuɔ 2 8:6 - Katɔti Ɔku Kedee

⁶ Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Korintoƒuɔ 2 8:6 ပူးပေါင်းရင်းမြစ်များ

Batalane Kabla 24:17

“Akwa pii mɛni ni, liiibo Yerusalem. Na ɔƒɛni lísie nnii muuti bawabane etela lite mina badi na lɛbla akpala lɛnɔ lite Katɔti.

Romaƒuɔ 15:25

Nsu kudeedi ni, lísela Yerusalem ntábla kabla kadi libunku Katɔti bekyuli bani nkya mmɔ.

Korintoƒuɔ 2 12:18

Lívele Tito na lɛ́tala-nwu lɛ́kya-mii, na lɛ́tala bula ɔnwa bamba lɛnɔ nnii bebo-mii kudɔ. Bɔsu bɛda bɛnii Tito ɔ́kɛ-mii lɛlɔ kɔsia kɔbambadi kɔdi na ulu bamba lɛlɔ? Ɔɔɔdi kasusu kenwi na ami ku-nwu bɔda bɔɔbla kabla na bɔda lɛlɔ na ulu unwi lɛlɔ lɛnɔ yoo?

Korintoƒuɔ 2 2:13

Nsu mina kasusu kétete-mi bɔnwuna bɔdi, ɔsika ńtanu mina ɔnwani Tito na mmɔ ka línu-mii kɔku. Ɔmmɔ ɔsu lívele ulu na lɛ́tɔlɔ lísie Makedonia.

Korintoƒuɔ 2 8:10

Na ɔkɛnku kebunku kani na biite bawabane mɛni litemi lɛlɔ ni, mina kasusu kani muute-mii ndi ka ɔdia ka bɛwɔlɔ lɛla lɛni kalɔ na bíse ɔ́si lɛkwa lɛni návi kemmo. Amii ndi bekyuli bedeedi bani nábla ɔmɛni kasusu. Na bíse-ni kalɔ lɛnɔ.

Korintoƒuɔ 2 8:19

Ɔmmɔ kama lɛnɔ ni, ɔdi ukyuli ɔni na baƒɔtaadine akpa ammɔ báƒuna ka ɔsiaku-bu na bula bawabane ala bute kabla kani na bɔɔbla kemmo. Kabla kamɛni kadubɔya na bekyuli badubumwi Blɔti Yesu Kristo, na kaatina lɛnɔ ka ɔdi bula bɔyɔ ka bute baƒɔtaadine bakpana kebunku.

Korintoƒuɔ 2 8:23

Na nkyuli ɛtɛ bamɛni kemmo ni, Tito ndi mina ɔvinkpana ɔni mɔɔblaku-mi kabla teebunku-mii. Na banwa bakladi bani nsiaku-nwu ama ni, baƒɔtaadine akpa ammɔ kenye na benye. Na bana ɔbladu uuti bumwi teete Kristo.

Korintoƒuɔ 2 8:4

Ama bévele-bu banii bute-ma kuƒi na bebunku bekyuli bani mɔɔbla Katɔti kabla na Yudea kalɔ lɛlɔ.

Korintoƒuɔ 2 9:5

Ɔmɛni ɔsu na lɛ́bla kasusu ka banwa bamɛni bagyu batɔ-mi bina kudɔ. Na bebunku-mii na bɛsala etela ani na bɛ́su ka bɛdubute mmɔ bise. Na bulayɔ ka ɔbla aani si ukyuli ɔdi nénye-mii lɛlɔ asa na bɛ́bla lɛni. Mmomu ɔdi kaƒɔ ƒaa ala bute.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Petro 1 4:10

Katɔti úte-ma etela lidu lidu na ukyuli biala ɔda nwuna lɛdi kaduɛ na uti ubunku nwuna bakpana ƒui.