Korintoƒuɔ 2 8:4 - Katɔti Ɔku Kedee

⁴ Ama bévele-bu banii bute-ma kuƒi na bebunku bekyuli bani mɔɔbla Katɔti kabla na Yudea kalɔ lɛlɔ.

Korintoƒuɔ 2 8:4 ပူးပေါင်းရင်းမြစ်များ

Mateo 10:42

Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Marko 14:7

Bawabane bakya-mii akɔ uwi biala. Na uwi biala na amii bɛɛyɔ́ ni, bɛkana na bibunku-ma. Na ami ni, ɔɔɔdi uwi biala na ndubɔkya-mii kudɔ.

Batalane Kabla 11:29

Anwuɔsu baƒɔtaadine bamɛni bábla kasusu ka beyi ala bemene banwa bani nkya Yudea. Na bana akɔ ɔdi biala úte kalɛ na wakana.

Batalane Kabla 16:15

Amu ka anwu ku nwuna kaduli bekyuli ƒui báƒɔ ntu bɔkpila ɔdi ni, úvele-bu ɔnini, “Si bɛ́tuna bɛnii ndi ɔƒɔtaadine geen nte Blɔti ni, na bibeduo-mi kudɔ.” Na ɔ́ni litemi lɛmɛni úneneku-bu útédu ka búsie bútéduo-nwu kudɔ.

Batalane Kabla 24:17

“Akwa pii mɛni ni, liiibo Yerusalem. Na ɔƒɛni lísie nnii muuti bawabane etela lite mina badi na lɛbla akpala lɛnɔ lite Katɔti.

Romaƒuɔ 15:31

Bɛkpali katɔ bivele Katɔti na udie-mi na Yudea bekyuli bani nátaƒɔ bátadi enu kemmo kalɛ na mina kabla na Yerusalem mmɔ kaƒɔ Katɔti bekyuli bammɔ anu.

Korintoƒuɔ 1 16:1

Ɔƒɛni ni, bínweni lɛla lɛdi bɛ́siku egulabi ani na bɛɛyɔ́ ka biyi bɛsala na biti bibunku Katɔti bekyuli bani nkya Yudea kalɔ lɛlɔ. Na ɔdi ka bɛbla lɛla lɛni na lɛ́su Galatiƒuɔ baƒɔtaadine nnii babla.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Korintoƒuɔ 2 9:1

Geen ni, útalɛka linweni-mii lɛla lɛdi lɛsiku kalɛ na biibunku Katɔti bekyuli bani ndi bawabane na Yudea kalɔ lɛlɔ.

Galatiƒuɔ 2:10

Na lɛla lɛni básu-bu ndi ka bunyimo na butaanu bawabane kɔnyana. Na ɔmɛni ndi lɛla lɛni na lɛ́sia anu na mɔɔbla geen.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.