Korintoƒuɔ 2 8:3 - Katɔti Ɔku Kedee

³ Béte bekyuli ala kalɛ na bakana. Na mɔɔsu-mii geen ka béte bétulo kalɛ bebo muedi na ama alati bɔyɔ kemmo.

Korintoƒuɔ 2 8:3 ပူးပေါင်းရင်းမြစ်များ

Ala Alɛdi 1 29:9

Na béte ala pii geen na lɛlɔ lɛ́yɔ-ma ku ebiti geen.

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Israelƒuɔ Bɔlɛ 35:29

Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.

Israelƒuɔ Bɔlɛ 35:5

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ. Na akpala ani na adubo bɔƒɔ mmɔ ndi sika ugyiedi ku ɔƒualadi ku abuala egyiedi,

Marko 14:8

Uleku ɔmɛni ɔ́bla lɛla lɛni na wakana. Úti nnɔmii bɔmɛni úwi-mi lɛlɔ úse ute mina kukpi asa na bava-mi.

Batalane Kabla 11:29

Anwuɔsu baƒɔtaadine bamɛni bábla kasusu ka beyi ala bemene banwa bani nkya Yudea. Na bana akɔ ɔdi biala úte kalɛ na wakana.

Romaƒuɔ 10:2

Nnye-ma kama na mɔɔsu ka ni, anumi eegyie-ma geen na Katɔti bɔsiaku lɛlɔ. Nsu lɛnungyie lɛmmɔ lɛɛɛkɛnku lɛlati lɛlɔ.

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Galatiƒuɔ 4:15

Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Koloseƒuɔ 4:13

Ami ɔlati muudie-nwu kenye ka ɔ́bla kabla kpakplaa úte-mii ku bani nkya Laodikea ku Hierapoli.

Tesalonikaƒuɔ 1 2:8

Ka bɔɔyɔ́-mii ku kaƒɔ nwaa ɔsu ni, bɔɔwia ka amii lɛnɔ binu litemi buni lɛmɛni. Na ɔɔɔdi Katɔti litemi buni lɛmmɔ lɛti. Mmomu búti bula ngba lɛnɔ bɔ́kpa na bina lili, ɔsika bɛ́ƒɔ-bu kuye geen.

Ƒilemon 1:14

Nsu ni, naaayɔ ka lɛlɛ-ɔ kama lɛbla lɛla lɛdi kalɛ na kebunku biala na eete-mi ni, ulabla aani si bɔnya na nda-a lɛmana, mmomu kalɛ na abla-ni ku kaƒɔ ƒaa.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.