Korintoƒuɔ 2 8:23 - Katɔti Ɔku Kedee

²³ Na nkyuli ɛtɛ bamɛni kemmo ni, Tito ndi mina ɔvinkpana ɔni mɔɔblaku-mi kabla teebunku-mii. Na banwa bakladi bani nsiaku-nwu ama ni, baƒɔtaadine akpa ammɔ kenye na benye. Na bana ɔbladu uuti bumwi teete Kristo.

Korintoƒuɔ 2 8:23 ပူးပေါင်းရင်းမြစ်များ

Luka 5:10

Lɛni kani na ɔ́bla Simon bakpana Yakobo ku Yohane bani ndi Sebedeo bebi lɛnɔ. Amu na Yesu ɔ́su Simon ɔnini, “Tayia. Ɔ́si ɔƒɛni úsela ni, bɛdubuteedie bekyuli teete Katɔti.”

Luka 5:7

Ɔmɛni ɔsu ni, bébo bana bakpana enu na ɔkɔlɔ unyɔdi kemmo banii bebo bebebunku-ma. Bébo na bédie lɛna béwi lɛkɔlɔ inyɔ lɛmɛni kemmo tɛtɛɛtɛ ɔni blii nébu na lɛkɔlɔ lɛmmɔ lɛnyi ntu kemmo.

Yohane 13:16

Mɔɔsu-mii geen ka ni, kabla ɔblane ɔdi biala uletulo nwuna unwoti. Lɛni kani na ukyuli ɔni bátala uletulo ukyuli ɔni nátala-nwu.

Korintoƒuɔ 1 11:7

Útalɛka ɔnana ubi lɛla lɛdi lili, ɔsika Katɔti údie ɔnana na nwuna udu kenye. Na uudie Katɔti ɔbu keyi. Nsu ulekudi anwu uudie ɔnana ɔbu keyi.

Korintoƒuɔ 2 12:18

Lívele Tito na lɛ́tala-nwu lɛ́kya-mii, na lɛ́tala bula ɔnwa bamba lɛnɔ nnii bebo-mii kudɔ. Bɔsu bɛda bɛnii Tito ɔ́kɛ-mii lɛlɔ kɔsia kɔbambadi kɔdi na ulu bamba lɛlɔ? Ɔɔɔdi kasusu kenwi na ami ku-nwu bɔda bɔɔbla kabla na bɔda lɛlɔ na ulu unwi lɛlɔ lɛnɔ yoo?

Korintoƒuɔ 2 7:6

Nsu Katɔti ɔni mɔɔsia bekyuli bani muuwulo kɔnyana kɔnu ni, ɔ́ya na kaƒɔ káyɔ-bu ɔni na Tito ɔ́si-mii kudɔ úbo.

Korintoƒuɔ 2 8:16

Na bɔɔgyá Katɔti enu, ɔsika ɔ́ya na anumi eegyie Tito lɛnɔ ka ubunku-mii aani abu kalɛ.

Korintoƒuɔ 2 8:18

Na lɛnɔ ni, búti ɔnwa ɔni na baabu geen na baƒɔtaadine akpa ƒui akɔ ku kalɛ na ɔɔsu litemi buni lɛmmɔ ɔsu buumene-mii ku Tito.

Korintoƒuɔ 2 8:19

Ɔmmɔ kama lɛnɔ ni, ɔdi ukyuli ɔni na baƒɔtaadine akpa ammɔ báƒuna ka ɔsiaku-bu na bula bawabane ala bute kabla kani na bɔɔbla kemmo. Kabla kamɛni kadubɔya na bekyuli badubumwi Blɔti Yesu Kristo, na kaatina lɛnɔ ka ɔdi bula bɔyɔ ka bute baƒɔtaadine bakpana kebunku.

Korintoƒuɔ 2 8:22

Ɔmmɔ ɔsu ni, bɔ́sɔ búti ɔnwa ɔbambadi búbunku banwa inyɔ bammɔ buumene-mii. Bɔ́kɔku-nwu bɔ́nu na lilu pii lɛlɔ na bɔ́nu bɔ́ti ka ubo kogyoklo geen. Na ka úti kayi ɔ́sia-mii lɛlɔ lɛni ɔsu ni, ɔsia anu kpakplaa ka ubete-mii kebunku.

Korintoƒuɔ 2 8:6

Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Ƒilipiƒuɔ 2:25

Nsu lɛ́nu ka ɔlɛka lɛtala Epaƒrodito na ubo-mii kudɔ. Ɔdi mina ɔnwani ɔni nényeku-mi aani ukpone na bɔ́bla Katɔti kabla. Na ɔdi bina ukyuli ɔni na bɛ́tala ka ubo ubanu-mi lɛlɔ.

Ƒilipiƒuɔ 4:3

Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.

Koloseƒuɔ 1:7

Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.

Ƒilemon 1:17

Anwuɔsu si aanu-mi aani ƒula kabla ɔblane ɔkpana ni, gyingya enu na aƒɔ-nwu aani kalɛ na adubɔƒɔ-mi na ɔsɔ ɔkya-a kudɔ.

Ƒilemon 1:24

Marko ku Aristarko ku Dema ku Luka bani ndi mina bebunkune na kabla kamɛni kemmo lɛnɔ beegyele-ɔ.

Yohane 3 1:8

Ɔmɛni ɔsu ni, abu Kristoƒuɔ ɔlɛka bubunku bekyuli bamɛni udu kalɛ na bunyeku-ma na bugyingya Kristo litemi geen lɛmmɔ.