Korintoƒuɔ 2 8:21 - Katɔti Ɔku Kedee

²¹ Ɔsika ɔɔɔdi Katɔti anumi lɛti na bɔɔyɔ́ geen ka bɔbla lɛla lɛni ndia, mmomu ku bekyuli ƒui anumi.

Korintoƒuɔ 2 8:21 ပူးပေါင်းရင်းမြစ်များ

Baga 1 18:34

Amu na Elia ɔ́sɔ ɔ́su-ma ɔnini, “Bɛ́sɔ bisie kunyɔdi bibewi!” Na ama lɛnɔ básɔ bábla lɛni. Amu na ɔ́sɔ ɔ́su-ma ɔnini, “Bɛsɔ bisie kɔtɛdi.” Na ama lɛnɔ bábla lɛni.

Agba 3:4

Ɔmɛni ɔdubɔya na aƒɔ lɛnyi na adia na Unwoti ku bekyuli ƒui anumi.

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Mateo 6:1

“Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.

Mateo 6:4

Na ƒula Katɔti ɔni mɔɔnu ala abuni ani na bekyuli bátanu uwi ɔni na aabla-nya ni, ɔdubɔƒɔ-ɔ kayu.

Romaƒuɔ 12:17

Biteti likpidi bitaƒɔ likpidi kayu. Bɛnu kaduɛ na bitaabla ala ani na ukyuli biala ɔɔnu ka adia.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 8:20

Na etela ani na bekyuli béte ku kaƒɔ ƒaa mɛni ni, bɔda-nya kaduɛ kalɛ na ukyuli ɔdi ulakyaku-bu unyeƒi ɔdi ɔnii bɔda egulabi ammɔ bɔɔdi.

Korintoƒuɔ 2 8:22

Ɔmmɔ ɔsu ni, bɔ́sɔ búti ɔnwa ɔbambadi búbunku banwa inyɔ bammɔ buumene-mii. Bɔ́kɔku-nwu bɔ́nu na lilu pii lɛlɔ na bɔ́nu bɔ́ti ka ubo kogyoklo geen. Na ka úti kayi ɔ́sia-mii lɛlɔ lɛni ɔsu ni, ɔsia anu kpakplaa ka ubete-mii kebunku.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Rut Keliela Ɔku 3:14

Ɔmɛni ɔsu ɔ́sɔ ɔ́tɛ mmɔ útédu lɛdigye. Nsu úyile bɔta ɔtanta tutuutu, ɔsika Boas ulayɔ ka ukyuli ɔdi ɔti ka Rut úbatɛ mmɔ.