Korintoƒuɔ 2 8:17 - Katɔti Ɔku Kedee

¹⁷ Na ɔɔyɔ́ ka ubunku-mii na ɔɔɔdi ɔni na búvele-nwu na únu kalɔ kani ɔsu, mmomu ka ɔdi anwu ɔlati bɔyɔ lɛnɔ ka ubunku-mii ɔsu. Anwuɔsu na ɔ́bla kasusu ka ubo-mii kudɔ.

Korintoƒuɔ 2 8:17 ပူးပေါင်းရင်းမြစ်များ

Korintoƒuɔ 2 12:18

Lívele Tito na lɛ́tala-nwu lɛ́kya-mii, na lɛ́tala bula ɔnwa bamba lɛnɔ nnii bebo-mii kudɔ. Bɔsu bɛda bɛnii Tito ɔ́kɛ-mii lɛlɔ kɔsia kɔbambadi kɔdi na ulu bamba lɛlɔ? Ɔɔɔdi kasusu kenwi na ami ku-nwu bɔda bɔɔbla kabla na bɔda lɛlɔ na ulu unwi lɛlɔ lɛnɔ yoo?

Korintoƒuɔ 2 8:10

Na ɔkɛnku kebunku kani na biite bawabane mɛni litemi lɛlɔ ni, mina kasusu kani muute-mii ndi ka ɔdia ka bɛwɔlɔ lɛla lɛni kalɔ na bíse ɔ́si lɛkwa lɛni návi kemmo. Amii ndi bekyuli bedeedi bani nábla ɔmɛni kasusu. Na bíse-ni kalɔ lɛnɔ.

Korintoƒuɔ 2 8:6

Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Korintoƒuɔ 2 8:8

Ɔɔɔdi ɔda na muubó-mii, mmomu líti ogya ɔni nkya badi lɛlɔ kemmo mɔɔkɔ́ku amii bɔdi kalɛ na bɔnu si bina bekyuli bɔyɔ lɛnɔ bɔdi bɔyɔ geen.

Hebriƒuɔ 13:22

Banwa, muuvele-mii geen nnii binu-mi ala ani na mɔɔsu-mii ku ogya ɔni mɔɔkya-mii. Ɔsika ɔku klukui ɔdi kani na línweni-mii.