Korintoƒuɔ 2 8:10 - Katɔti Ɔku Kedee

¹⁰ Na ɔkɛnku kebunku kani na biite bawabane mɛni litemi lɛlɔ ni, mina kasusu kani muute-mii ndi ka ɔdia ka bɛwɔlɔ lɛla lɛni kalɔ na bíse ɔ́si lɛkwa lɛni návi kemmo. Amii ndi bekyuli bedeedi bani nábla ɔmɛni kasusu. Na bíse-ni kalɔ lɛnɔ.

Korintoƒuɔ 2 8:10 ပူးပေါင်းရင်းမြစ်များ

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Mateo 10:42

Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Yohane 11:50

Bɛɛɛgyi bɛnii ɔdia ka ukyuli unwi ukpi na kadi ƒui lili utulo ka kadi ƒui bekyuli bayii ku udu?”

Yohane 16:7

Nsu mɔɔsu-mii geen ka ni, si lɛ́tɔlɔ-mii kudɔ ni, ɔdia-mii utulo. Ɔsika si ńtatɔlɔ ni, Ubunkune ɔmmɔ ulebo-mii kudɔ. Nsu si lɛ́tɔlɔ ni, ndubɔtala-nwu lɛkya-mii.

Yohane 18:14

Na Kaiaƒa ndi anwu ɔni násu Yudaƒuɔ batɔnkune bammɔ ka ɔdia ka ukyuli unwi ukpi na kadi ƒui lili.

Korintoƒuɔ 1 10:23

Bubo lɛsugba banii, “Kuƒi kɔtɛ na bɔbla lɛla biala.” Sɔsɔ na ɔdi. Nsu ɔɔɔdi lɛla biala ndia. Kuƒi kɔtɛ na bɔbla lɛla biala, nsu ɔɔɔdi lɛla biala mbo kɔsia lite-bu.

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Korintoƒuɔ 1 6:12

Bina akɔ ɔdi ɔdubɔsu ɔnii, “Mbo kuƒi ka lɛbla lɛla biala.” Sɔsɔ na ɔdi. Nsu lɛla biala lɛɛɛdia liiite-ɔ. Lɛkana na lɛsu nnii, “Mbo kuƒi na lɛbla lɛla biala.” Nsu útalɛka lɛla biala lɛdi-mi lɛlɔ.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Korintoƒuɔ 1 7:40

Na si ɔ́kana na ɔ́sɔ útelie kɔgya ni, ɔdubɔkɛ ebiti utulo. Ɔmɛni na mina kasusu kaatina-mi, na lɛ́ƒɔ lɛ́di ka ɔdi Katɔti Kɔyu lɛƒɔyɔ lɛnɔ.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Korintoƒuɔ 2 8:6

Ɔmɛni ɔsu na búvele Tito ɔni nése kabla kamɛni kalɔ na amii lɛnɔ akɔ bɔnii usie anumi na ubunku-mii na bɛkana na bɛwɔlɔ bina bawabane ala bute bɔni kalɔ na bíse mɛni.

Korintoƒuɔ 2 8:8

Ɔɔɔdi ɔda na muubó-mii, mmomu líti ogya ɔni nkya badi lɛlɔ kemmo mɔɔkɔ́ku amii bɔdi kalɛ na bɔnu si bina bekyuli bɔyɔ lɛnɔ bɔdi bɔyɔ geen.

Korintoƒuɔ 2 9:2

Ngyi ka bɛɛyɔ́ geen ka bite bekyuli bamɛni kebunku. Na mɔɔkun lɛmɛnɛ na ɔmɛni lɛlɔ uwi biala taatina baƒɔtaadine bani nkya Makedonia. Lɛ́su nnii banwa bani nkya Akaia kalɔ lɛlɔ ni, báklibi lɛlɔ bése ɔ́si lɛkwɛni ka bete kebunku kamɛni. Na bina kebunku ogya bɔkya nágyila bana akɔ pii.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.