Korintoƒuɔ 2 7:9 - Katɔti Ɔku Kedee

⁹ Kalɔ kesekɔ ni, útayɔ-mi kaƒɔ ka úduo-mii lɛni. Nsu ɔƒɛni ni, mɔɔkɛ́ ebiti. Ɔɔɔdi ɔni na ɔku ɔmmɔ úduo-mii ɔsu, mmomu ka ɔ́ya na bina bɔƒiɔ búduo-mii na bíni-mu bɔbla ɔsu. Ɔsika Katɔti ala lɛlɔ ɔsu na ala ammɔ éduo-mii lɛni. Anwuɔsu lɛla lɛdi lítebie na ɔdi lɛlɔ na abu ɔsu.

Korintoƒuɔ 2 7:9 ပူးပေါင်းရင်းမြစ်များ

Kɔgya 38:18

Lídie mina alaekpidi kalɔ, ɔsika éduo-mi.

Etemila 7:3

Kɔnyana kɔdia kutulo lɛma. Ɔsika anumi ani muuwulo kɔnyana aayá na ukyuli kayi kemmo ablala eeboku ukyuli kubiti.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 3:8

Bɛtina na bina ɔbladu kemmo ka bínwini kama bɛ́kya bina alaekpidi.

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 15:7

Na mɔɔsu-mii ka ni, lɛni na ebiti enengudi adubɔda Katɔ Ɔga Ɔma badi ƒui na alaekpidi ɔblane unwi pɛ ɔni nénwini kayi ɔsu utulo ebiti ani bebo na nkyuli liti ku aavlene-yaalenwi babuni bani naaawia kayi bunwini.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Korintoƒuɔ 2 7:8

Ɔku ɔni na línweni-mii ni, úkpoku-mii sɔsɔ. Nsu lɛni kani na ɔdi ka linweni-nwu. Lɛ́ti ka ɔku ɔmmɔ úduo-mii, nsu uwi klukui ɔdi kani na ɔdi.