Korintoƒuɔ 2 7:7 - Katɔti Ɔku Kedee

⁷ Na ɔɔɔdi Tito bubo bɔmmɔ lɛti náya na bɔ́kɛ kubiti. Mmomu ɔ́su-bu ɔnii ala ani náyɔ-nwu kaƒɔ ni, anya ndi ka bɛɛyɔ́ ka bigyingya bina enu na bɛƒɔ-mi, na bina bɔƒiɔ búduo-mii, na binye-mi kama kpakplaa. Ɔmmɔ ɔsu na ebiti ásɔ áda-mi étulo.

Korintoƒuɔ 2 7:7 ပူးပေါင်းရင်းမြစ်များ

Kɔgya 141:5

Taya na lini ka ukyuli ɔni nse siin ɔni-mi kɔtu iye ɔdɔnku-mi. Ɔsika ɔmmɔ ɔdubunwini lɛƒɔndia mmomu ute-mi. Taya na lɛƒɔ bumwi bɔdi lɛsiku bekyuli bekpidi kudɔ aani kalɛ na beewi ukyuli lili nnɔmii, ɔsika mɔɔkpali katɔ uwi biala nnii utatɛ utete bekyuli bani mbo likyulikpi.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Kɔgya 38:18

Lídie mina alaekpidi kalɔ, ɔsika éduo-mi.

Kɔgya 51:1

O Katɔti, nu-mi kɔnyana, ɔsika ƒula bɔyɔ bulávumana. Na ƒula kɔnyana pii kɔni na aanu abu bekyuli ɔsu ni, ƒɔ mina ekpidi ƒui die-mi lɛlɔ.

Mateo 26:75

Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Romaƒuɔ 1:12

Lɛla lɛni mɔɔsu mɛni ndi ka bɔdubɔkya lɛlɔ ogya na uwi ɔmɛni kemmo. Ɔsika bina bɔƒɔtaadi bɔdubo-mi ogya bɔkya, na ami bɔdi lɛnɔ bɔkya-mii ogya.

Korintoƒuɔ 1 5:2

Na bi ɔsu na bɛɛtina lɛlɔ? Ɔlɛka biteewulo kɔnyana mmomu. Na ukyuli ɔni nábla lɛla lɛmɛni udu ni, ɔdi ka bɛda-nwu bidie bina baƒɔtaadine akɔ.

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Korintoƒuɔ 2 1:4

Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Korintoƒuɔ 2 2:9

Ɔmɛni ɔsu na línweni-mii ɔku na lɛ́wia nnii mɔɔtí kalɛ na binye kpakplaa na bɛda mina ala ani ƒui na lɛ́tina-mii kaduɛ uwi biala.

Korintoƒuɔ 2 5:2

Na uwi ɔni kemmo na bɔmu bɔkya kayawi kamɛni ɔlɔna kemmo ni, buuubo bɔnwuna bɔdi. Na bɔɔnu ulu kpakplaa ka bɔkɛ Katɔ Ɔga Ɔma ɔlɔna.

Korintoƒuɔ 2 7:6

Nsu Katɔti ɔni mɔɔsia bekyuli bani muuwulo kɔnyana kɔnu ni, ɔ́ya na kaƒɔ káyɔ-bu ɔni na Tito ɔ́si-mii kudɔ úbo.

Korintoƒuɔ 2 7:8

Ɔku ɔni na línweni-mii ni, úkpoku-mii sɔsɔ. Nsu lɛni kani na ɔdi ka linweni-nwu. Lɛ́ti ka ɔku ɔmmɔ úduo-mii, nsu uwi klukui ɔdi kani na ɔdi.

Korintoƒuɔ 2 8:16

Na bɔɔgyá Katɔti enu, ɔsika ɔ́ya na anumi eegyie Tito lɛnɔ ka ubunku-mii aani abu kalɛ.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Koloseƒuɔ 2:5

Ina ka liiibo-mii kudɔ na ɔlɔna kemmo ni, nkya-mii kudɔ na kɔyu kemmo. Na lɛlɔ lɛɛyɔ́-mi ka lɛ́nu kalɛ na bɛda lɛlɔ na binye na bina bɔƒɔtaadi kemmo kpakplaa bite Kristo ɔsu.

Tesalonikaƒuɔ 1 3:6

Nsu Timoteo ɔ́sɔ úbo ku kubiti úbasu-bu ka bina bɔƒɔtaadi ku bina bakpana bɔyɔ bútavumana. Mmomu bɛɛkali-bu geen na binye kuƒie bɛɛyɔ́ ka bɛnu-bu aani kalɛ abu lɛnɔ bɔɔwia-mii bɔnu.

Tesalonikaƒuɔ 1 3:8

Ɔƒɛni na bula ngba bulie bɔ́sɔ bɔ́bla ɔwɔdi, ɔsika búnu kalɛ na binye kpakplaa na Blɔti bɔƒɔtaadi lɛlɔ.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Yakobo 5:17

Elia úse kalɛ kani na abu lɛnɔ buse. Ɔ́kpali Katɔti kpakplaa na ɔ́su-nwu ɔnii utaya na ɔnantu ɔna. Na sɔsɔ ni, ɔnantu útana útewi kalɔ akwa atɛ ku abuli aku.

Yohane 2 1:4

Kubiti kɔ́da-mi geen ka lɛ́nu ka ƒula bebi badi bamu basiaku litemi geen lɛmmɔ kama aani kalɛ kani na Katɔti úbo-bu ɔda.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.