Korintoƒuɔ 2 7:5 - Katɔti Ɔku Kedee

⁵ Ka búbeduo Makedonia muedi ni, bútakɛ bɔnwuna bɔdi. Mmomu ɔgbankpi sɔɔn na bekyuli bada baasiaku-bu kesii biala. Na bekyuli beekpóku-bu na liƒu lɛkya-bu lɛlɔ kemmo.

Korintoƒuɔ 2 7:5 ပူးပေါင်းရင်းမြစ်များ

Ala Kalɔ Buse 8:9

Nsu Abloduma ɔmmɔ útakɛ kesii kani na ɔyu ulie, ɔsika ntu bɔmmɔ bútakwii tɔ. Ɔmmɔ ɔsu ɔ́sɔ únwini úsie ɔkɔlɔ bonwu ɔmmɔ kudɔ na Noa úƒie-nwu ɔ́kya ɔkɔlɔ kemmo.

Hiob 18:11

“Na ulákɛ bɔnwuna na liƒu ala ani ndubo-nwu butaayila na ataabɔku-nwu lɛnɔ ɔsu.

Yesaia 33:12

Bɛdubo bɔkywi bunwini ntɔ aani liyu alakpi na bákya ogya.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Yeremia 45:3

“Enye eewulo kɔnyana na aadú ami Unwoti kɔtɔ na ƒula lɛbibo ku kɔnyana kɔni kemmo na akya ɔsu, ku kalɛ na lɛlɔ lítu-ɔ na alakɛ bɔnwuna bɔdi.

Yeremia 6:25

Unwoti ɔnini, “Bitesie bina mmo bɛnii bitátuma iye bɛkɛ ulu lɛlɔ bitaavi muedi, amu bɛdubuduo ɔgbankpi kemmo ɔƒɛni kani. Bina bekisine bátu akpagya geen bakɛ kesi kesii.

Yeremia 8:18

Kayi kaakpulu-mi geen aani ala na nti mɔɔnɔ na mɔɔyɔ́ lite lili.

Batalane Kabla 20:1

Uwi ɔni na lɛsɛ lɛmmɔ líbo kalɔ ni, Paulo ɔ́lɔ baƒɔtaadine bamɛni ɔ́sala. Na ka ɔ́kya-ma ɔkplu na bana bɔƒɔtaadi kemmo ɔ́wɔlɔ ni, úye ulu na ɔ́kada-ma na ɔ́tɔlɔ úsie Makedonia.

Romaƒuɔ 15:26

Ɔsika ɔ́yɔ baƒɔtaadine bani nkya Makedonia ku Akaia kaƒɔ ka beyi egulabi adi bete baƒɔtaadine bawabane bani nkya Yerusalem mmɔ.

Korintoƒuɔ 1 15:31

Banwa, kukpi ɔgbankpi ɔsiaku-mi kadi biala megye! Na mɔɔkɔliku lɛlɔ katɔ na amii ɔsu ɔkɛnku kalɛ na bɔ́bla unwi ku Kristo ɔsu. Anwuɔsu na muudie ɔmɛni keyi nwaa.

Korintoƒuɔ 1 16:5

Ndubɔsia Makedonia asa na mebedu-mii kudɔ, ɔsika ɔdi ka lɛka mmɔ bɔsia.

Korintoƒuɔ 2 2:13

Nsu mina kasusu kétete-mi bɔnwuna bɔdi, ɔsika ńtanu mina ɔnwani Tito na mmɔ ka línu-mii kɔku. Ɔmmɔ ɔsu lívele ulu na lɛ́tɔlɔ lísie Makedonia.

Korintoƒuɔ 2 2:3

Na línweni ɔku kpakplaa ɔmmɔ límene-mii ɔsika si bubo na líbo-mii kudɔ uwi ɔmmɔ kemmo ni, nka bɛdubɔya na enu aƒɛ-mi. Nsu amii ndi bekyuli bani nálɛka bɛya na lɛlɔ lɛyɔ-mi. Na lɛ́ƒɔ lɛ́di ka si lɛlɔ lɛɛyɔ́-mi ni, amii lɛnɔ lɛlɔ lɛdubɔyɔ-mii.

Korintoƒuɔ 2 2:9

Ɔmɛni ɔsu na línweni-mii ɔku na lɛ́wia nnii mɔɔtí kalɛ na binye kpakplaa na bɛda mina ala ani ƒui na lɛ́tina-mii kaduɛ uwi biala.

Galatiƒuɔ 4:11

Liƒu lɛɛda-mi na bina lɛlɔ. Na ɔɔbla-mi aani ka kabla kani na lɛ́bla líte-mii ƒui kadi kabla keeke.

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.

Tesalonikaƒuɔ 1 3:5

Ala amɛni ɔsu na lɛ́tala Timoteo nnii ubanu si bɛmu bɛda bɔƒɔtaadi bɔmmɔ kpakplaa. Ɔsika litemi lɛmɛni liléte-mi bɔlɛɛ. Na mɔɔyia ka ɔƒɛni kalɛ ukisine ɔmmɔ úbo úbeƒu-mii kasusu na bula lɛbibo ƒui lɛ́bla keeke.