Korintoƒuɔ 2 7:4 - Katɔti Ɔku Kedee

⁴ Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Korintoƒuɔ 2 7:4 ပူးပေါင်းရင်းမြစ်များ

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Korintoƒuɔ 1 1:4

Mɔɔgyá Katɔti enu uwi biala na bina lili ɔkɛnku lɛƒɔndia lɛni na úte-mii ɔ́siaku Yesu Kristo lɛlɔ ɔsu.

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Korintoƒuɔ 2 1:4

Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Korintoƒuɔ 2 10:8

Na si lɛ́kun lɛmɛnɛ líbu na kenyekɔ kani na bubo lɛlɔ ɔsu ni, Katɔti ulálɛ-mi kama. Ɔsika anwu néte-bu kenyekɔ kamɛni kalɛ na bina bɔƒɔtaadi bɔkɔ katɔ bubu. Na ɔɔɔdi kani maya na bina bɔƒɔtaadi bubo kalɔ.

Korintoƒuɔ 2 11:21

Nsu abu ni, bɔɔyia ka bɔbla ala ammɔ udu. Munuu bɛɛbu bɛnii kɔƒa muukpó-bu? Nsu si ɔdi ɔkana kayi buse na ɔkun lɛmɛnɛ ni, ami lɛnɔ mbo kuƒi kɔmmɔ udu. Ala amɛni ƒui ese aani kɔnamutɛ, nsu ɔlɛka lɛsu.

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.

Korintoƒuɔ 2 7:14

Bítakya-mi kɔƒa na nwuna anumi ka lɛ́kun lɛmɛnɛ na bina lɛlɔ. Na ala ani ƒui na bɔɔsu-mii uwi biala kemmo ni, adi etemila geen. Na lɛni kani na lɛmɛnɛ lɛni na bɔ́kun na Tito anumi lɛnɔ ɔdi ulu lɛlɔ.

Korintoƒuɔ 2 8:24

Bɛyɔ-ma kalɛ na baƒɔtaadine bakladi ƒui banu bati ka sɔsɔ ni, ɔdi ulu lɛlɔ ka bɔɔkun lɛmɛnɛ na amii ɔsu.

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Ƒilipiƒuɔ 1:26

Kalɛ na si nkya-mii kudɔ ni, lɛlɔyɔ lɛdubɔyɔ-mii na Kristo kemmo geen ɔkɛnku ami ɔsu.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Tesalonikaƒuɔ 2 1:4

Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi.

Ƒilemon 1:7

Ɔnwa, lɛlɔ lɛ́yɔ-mi geen na ákya-mi ogya na ƒula bekyuli bɔyɔ ɔsu. Ɔsika ánu Katɔti bekyuli lɛlɔ.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.