Korintoƒuɔ 2 7:10 - Katɔti Ɔku Kedee

¹⁰ Na si Katɔti ala lɛlɔ ɔsu na ukyuli alaekpidi ani na ɔ́bla éduo-nwu ni, uunwíni kama taakya ekpidi bɔbla na ɔɔkɛ́ bɔƒɔ ɔni na ɔsɔ ulenu ɔlɛ ɔdi. Nsu si kayawi ala lɛlɔ ɔsu na lɛla lɛdi liiduo-ɔ ni, ɔɔyá na aayila ngba geen bɔmmɔ.

Korintoƒuɔ 2 7:10 ပူးပေါင်းရင်းမြစ်များ

Ala Kalɔ Buse 30:1

Ka Rahel ɔ́nu ka ɔɔɔdaku bebi badi bɔwɔ teete Yakob ni, úbo uukpóku ɔnwani Lea kogyulo. Anwuɔsu útásu Yakob ɔnini, “Te-mi bebi na lɛwɔ, amu ndubo bukpi!”

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Samuel 2 13:4

Yonadab ɔmɛni úye Amnon ɔnini, “Bi ɔsu na awɔ ɔga ubi ƒula anumi aatina aani lɛla lɛdi muukpóku-ɔ ɔtanta ndi ɔtanta si áta na uládia-a na asu-mi?” Mmɔ na Amnon údie kenye ɔnini, “Mɔɔyɔ́ Tamar mina ɔnwani Absalom ɔnwani ulekubi geen.”

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Baga 1 21:4

Amu na Ahab únwini úsie kaduli ɔni na úƒu na úti kɔnyi ɔ́si lɛla lɛni na Nabot ɔ́su-nwu mmɔ ɔsu. Ɔsika ɔ́su-nwu ka. “Lɛɛɛdubo-ɔ mina bati kuuku kalɔ buti bute.” Na úsie ɔ́tɛ bana atɛla lɛlɔ na únwini anumi ɔ́tina kowodu na úni ka ɔdi muedi.

Kɔgya 38:18

Lídie mina alaekpidi kalɔ, ɔsika éduo-mi.

Agba 15:13

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Agba 15:15

Ɔwabane ni, limeyi biala ala eekpóku-nwu. Nsu bani na lɛlɔ lɛɛyɔ́ ni, ngba bumodi bɔdi limeyi bɔdi bute-ma.

Agba 17:22

Ebiti bɔkɛ na kayi kemmo ɔdi kuvo ute ukyuli ɔmmɔ. Nsu kɔyu kɔni nsɔ neeebo lɛnunsia ɔɔyá na ɔyikun ɔɔsá ukyuli ɔmmɔ.

Agba 18:14

Ukyuli kɔyu kɔɔkya ɔlɔna ɔni muuƒi kemmo. Nsu ni, ɔma na si nwuna kɔyu kɔ́yii udu na nwuna ɔlɔna ɔdubɔkana bunye?

Etemila 7:3

Kɔnyana kɔdia kutulo lɛma. Ɔsika anumi ani muuwulo kɔnyana aayá na ukyuli kayi kemmo ablala eeboku ukyuli kubiti.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Esekiel 7:16

Na bani na ndubo bubu bulie ngba lɛnɔ badubo bukeli busie abi lɛlɔ aani babloduma bani mɔɔtɔlɔ kɔwɛ kemmo taatáwia kabɛkɔ kesii kani na bakɛ bɔƒɔ. “Na bina ƒui bɛdubo kɔnyana buwulo na bina ekpidi ɔsu.

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Yona 3:8

Bekyuli ku bebuo ƒui báda lɛlɔ na béti bátina ka bana alaekpidi éduo-ma. Na ukyuli biala ɔ́kpali Katɔti ku nwuna kayi kemmo ƒui, na báda bana likyulikpi ku ekpidi ƒui bɔbla báya.

Yona 4:9

Amu na Katɔti úye-nwu ɔnini, “Bi ɔyikun na ebo ɔsu na eeti kɔnyi akya kabuli kammɔ?” Yona údie kenye ɔnini, “Mbo kuƒi ka liti kɔnyi kɔni nédu ka líkpi muedi.”

Mateo 26:75

Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Korintoƒuɔ 2 12:21

Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Korintoƒuɔ 2 7:9

Kalɔ kesekɔ ni, útayɔ-mi kaƒɔ ka úduo-mii lɛni. Nsu ɔƒɛni ni, mɔɔkɛ́ ebiti. Ɔɔɔdi ɔni na ɔku ɔmmɔ úduo-mii ɔsu, mmomu ka ɔ́ya na bina bɔƒiɔ búduo-mii na bíni-mu bɔbla ɔsu. Ɔsika Katɔti ala lɛlɔ ɔsu na ala ammɔ éduo-mii lɛni. Anwuɔsu lɛla lɛdi lítebie na ɔdi lɛlɔ na abu ɔsu.

Hebriƒuɔ 12:17

Na ɔmmɔ kama aani kalɛ na bɛgyi ni, uwi ɔni na ɔɔwia ka ɔti use-nwu kama ku kusɛ kusɛ ni, úni-nwu. Na Esau ɔ́sɔ útakana lɛla lɛni na ɔ́bla bɔvumana ina ka ɔ́wia kusɛ kusɛ ɔmmɔ ku keku.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.