Korintoƒuɔ 2 7:1 - Katɔti Ɔku Kedee

¹ Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Korintoƒuɔ 2 7:1 ပူးပေါင်းရင်းမြစ်များ

Ala Alɛdi 2 19:9

Na ɔ́su-ma ɔnini, “Bɛbla Unwoti kabla siin na bitalɛ-nwu kama!

Kɔgya 119:9

Na ulu ɔmani lɛlɔ na okloƒu ɔdi ɔdubɔkana na ɔsia na ɔda nwuna ngba sɛɛn? Amu ntu ƒula ɔda bubo lɛlɔ bɔdi kani.

Kɔgya 19:9

Ɔdia ka bekyuli beti ɔbu bete Unwoti na badubo butaabla lɛni uwi ndi uwi. Na kalɛ na Unwoti ɔɔtɛ etemila ni, use siin.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 20:9

Ɔma ndubɔkana bɔsu ɔnini, “Ɔƒɛni amu lɛ́bla mina kayi sɛɛn, na nse kedee ɔsu likpidi lɛdi lɛsɔ lɛɛɛma-mi lɛlɔ?”

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Etemila 11:10

Taya na kasusu kekpoku-ɔ na ulu biala lɛlɔ na akya lɛlɔ ɔlɛ, ɔsika lɛkloƒu uwi ala abuni ammɔ adubo abavi ɔƒɛni kani.

Yesaia 1:16

Bɛkpi ntu na bɛbla lɛlɔ sɛɛn. Na bɛsɔ bitaya na ntaanu bina alaekpidi ani na bɛ́bla mmɔ. Na bɛda bina udunkpi ala bɔbla bɛya.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Lewiƒuɔ Ɔda Bubo 13:58

Na si báƒɔ awu iye kɔdi iye lɛla lɛmmɔ na butili bɔmmɔ bɔ́lɛ ni, ɔlɛka basɔ baƒɔ awu ɔmmɔ kunyɔdi na ɔmmɔ kama lɛla lɛmmɔ lɛdu bɔbla sɛɛn.”

Mateo 12:33

“Ɔdi ka bɛti ka kugyii kɔbuni kɔɔnwu ebi abuni, na kugyii kɔni naaadia kɔɔnwu ebi ani naaadia. Kugyii biala ebi na beeti taanu kugyii kɔmmɔ udu taati.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Mateo 5:8

Lɛlɔ litaayɔ bekyuli bani kayi kemmo nse nwaa. Ama ndubunye Katɔti anumi.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Hebriƒuɔ 12:23

Na bíbo bíbasiaku Katɔti bekyuli bani nse aani nwuna bebi bedeedi bani anyi na bénweni bése katɔ. Katɔti ɔni ndubɔtɛku bayawine ƒui litemi anumi na bíbo bínye na bekyuli babuni bani nékpi na Katɔti ɔ́bla bana ayu sɛɛn ɔ́wɔlɔ akɔ.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Hebriƒuɔ 6:9

Bayɔne, ina ka bɔɔsu ala amɛni ƒui ni, bɔsia anu ka ala abuni ani ndanku ngba bɔƒɔ adubɔsiaku amii ƒui.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Petro 1 1:15

Na aani kalɛ na Katɔti ɔni nálɔ-mii use kedee ni, amii lɛnɔ bɛbla lɛlɔ kedee na bina ablala ƒui kemmo.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.