Korintoƒuɔ 2 6:8 - Katɔti Ɔku Kedee

⁸ Bekyuli badi baabu-bu, na badi lɛnɔ beewi-bu anumi kalɔ. Badi beedumi-bu na babambadi lɛnɔ beemwi-bu. Bekyuli baanu-bu aani ɔkɔ banyine, nsu litemi geen lɛmmɔ na bɔɔsu.

Korintoƒuɔ 2 6:8 ပူးပေါင်းရင်းမြစ်များ

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Mateo 27:63

Na básu-nwu banini, “Unengu, uwi ɔni na ɔkɔ ɔnyine ɔmmɔ úlie ngba ni, ɔ́su ɔnini, ‘Si líkpi ni, nsɔ ndubɔta lɛlɛ bekpine akɔ emeyi atɛ kama.’

Marko 12:14

Ka bétédu-nwu kudɔ ni, básu-nwu banini, “Ala ɔtinane, bɔgyi ka aasu litemi geen uwi biala. Na alávumana ƒula etemila na ɔ́si kalɛ bekyuli baakali taasiku-ɔ lɛlɔ ɔsu. Alánu anii ɔmɛni ɔdi ukyuli ubendi iye ɔmɛni ɔdi ukyuli ubliidi. Nsu aatina ukyuli biala Katɔti kudɔ ulu na ulu geen lɛlɔ. Anwuɔsu su-bu si ɔdia ka butaaƒɔ kuyi teete Romaƒuɔ Ɔga Unengudi.

Yohane 7:12

Na lɛni kani na nwuna lɛlɔ atɛ ada na bana akɔ mmɔ. Badi baasu banii, “Ukyuli ɔbuni na ɔdi.” Na babambadi lɛnɔ banini, “Oowo! Bekyuli na uuƒú taakya!”

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 16:39

Ɔmɛni ɔsu bésie bétékpi-ma kɔtɔ, na bákpanku-ma bálɛku aban ɔtɔ. Na bévele-ma banii batɔlɔ ɔma ɔmmɔ kemmo na beteesie likpo bamba.

Batalane Kabla 22:12

“Na mmɔ ni, ɔnana ɔdi ɔkya ɔni baalɔ Anania. Ɔdi ukyuli ɔni mɔɔkya lili kalɔ teete Katɔti geen, na ɔsiaku bula ɔda bubo bɔmmɔ lɛlɔ lɛnɔ. Na Yudaƒuɔ bani nkya mmɔ ƒui baabu-nwu kaduɛ.

Batalane Kabla 24:5

“Ɔsika bɔ́nu-nwu bɔ́ti ka lɛsɛ ɔkyane na ɔdi, na ɔkɛ ɔɔví uwi ndi uwi uunwíni Yudaƒuɔ kasusu na kesi kesii na kayawi kamɛni ƒui ɔnii bataabla basa basa na bata benye aban lɛlɔ. Na anwu ndi lɛkpa lɛni na baalɔ banii Nasareƒuɔ ɔtɔnkune.

Batalane Kabla 28:22

Nsu bɔɔwia ka bunu lɛla lɛdi bɔsiku lɛla lɛni na áƒɔ ádi mɛni lɛlɔ. Ɔsika sɔsɔ ni, balásu lɛla lɛbuni lɛdi taasiku lɛkpa lɛmɛni lɛlɔ na kesi kesii.”

Batalane Kabla 4:21

Amu na kasalakɔ benengu bammɔ bádɔnku-ma kaduɛ na báda-ma bányonu. Na ka bekyuli bammɔ ƒui bakya beemwi Unwoti na nwuna ablala ɔsu ni, bátakɛ lɛkwɛ lɛni lɛlɔ basia bani-ma kɔtu.

Batalane Kabla 5:13

Nsu anumi lɛlɔ baƒɔtaadine babambadi bátakana-ma kudɔ bɔkpɛ bude, ina ka baabu baƒɔtaadine bammɔ.

Batalane Kabla 6:3

Na ɔƒaani ni, banwa, bɛnu bɛmana na bidie nkyuli maatɛ bani náda anu na Katɔti Kɔyu kɔ́ƒɔ-ma lɛlɔ kemmo ƒui. Na bɔdubuti-ma buse kabla kamɛni kenye kalɛ na abu bɔkɛ uwi bute Katɔti bɔkpali ku litemi buni bɔsu ku ala bɔtina.”

Romaƒuɔ 3:8

Si búti-nwu lɛni ni, bɔkana bɔsu bɔnii, “Bɛya na butaabla likpidi kalɛ na lɛla lɛbuni lɛlɛ lɛsiku-nwu kemmo.” Bekyuli bani meti-nwu lɛni ni, bámanku ka Katɔti ɔdu-ma kɔtɔ. Nsu lɛni na bekyuli badi beedumi-bu, na baasu taatina ka abu násu lɛni.

Korintoƒuɔ 2 1:18

Mmomu kalɛ na Katɔti ɔɔdi nwuna etemila lɛlɔ geen ni, lɛni kani na lɛla biala na búnweni búmene-mii lise. Na lɛɛɛdi kalɛ na ukyuli ɔɔbabla taasu ɔnii ɛɛn ku oowo na ɔdi.

Korintoƒuɔ 2 11:21

Nsu abu ni, bɔɔyia ka bɔbla ala ammɔ udu. Munuu bɛɛbu bɛnii kɔƒa muukpó-bu? Nsu si ɔdi ɔkana kayi buse na ɔkun lɛmɛnɛ ni, ami lɛnɔ mbo kuƒi kɔmmɔ udu. Ala amɛni ƒui ese aani kɔnamutɛ, nsu ɔlɛka lɛsu.

Korintoƒuɔ 2 12:16

Bɛdubo bɔtunaku-mi ka ni, ńtenwini etila ńtasia-mii lɛlɔ. Nsu badi badubo bɔsu banii lɛkwɛ likpidi na lɛ́bla na lɛ́kɛ-mii lɛlɔ kɔsia na ulu ɔdi lɛlɔ.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Tesalonikaƒuɔ 1 2:3

Na bula bɔlɛ bɔni na bɔɔlɛ-mii ni, bútasi katɔlɔ iye kasusu kekpidi kemmo.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Petro 1 4:14

Lɛlɔ litaayɔ-mii si bekyuli beedumi-mii ka bɛsiaku Kristo ɔsu. Ɔsika Katɔti Kɔyu nsiaku-mii ku nwuna bukeye.

Yohane 3 1:12

Na Demetrio anwu ni, ukyuli biala ɔɔlɔ-nwu lɛnyi buni. Na kalɛ na bɔɔnu litemi geen lɛmmɔ na nwuna lɛlɔ kemmo ni, úte-nwu lɛnyi buni. Na abu lɛnɔ bɔɔlɔ-nwu lɛnyi buni. Na bɛgyi ka lɛla lɛni na bɔɔsu lise lɛni.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.