Korintoƒuɔ 2 6:7 - Katɔti Ɔku Kedee

⁷ Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Korintoƒuɔ 2 6:7 ပူးပေါင်းရင်းမြစ်များ

Kɔgya 119:43

Ya na ntaatɛmi ƒula etemila geen uwi biala. Ɔsika ƒula litemi bɔtɛ kani na nnye mɔɔnu ulu teete.

Israelƒuɔ Bɔlɛ 14:22

na Israelƒuɔ bésie bávia ɛpu ɔmmɔ kemmo kalɔ kakwiidi lɛlɔ. Na ntu bɔmmɔ bɔ́bla awodu bonwu bɔ́kya-ma kɔmii ku kɔdianu.

Agba 3:16

Lɛnunda lɛdanku ngba gyɔlɔɔ na nwuna kɔdianu. Na nwuna kɔmiinu lɛnɔ kɔdanku lɛkɛ ku ɔbu.

Yesaia 11:5

Na ala bɔbla siin ndi kadii kani ndubɔda-nwu kavobi, na litemi geen lɛlɔ bɔdi ndubɔdi lɛduni lɛni nda-nwu lɛmana.

Yesaia 59:17

Siin bɔbla ndi awu na Unwoti ɔkya aani kekpo lɛgyumanala na nwuna bɔƒɔ ɔyikun ɔdi kekpo kabwa kebi-nwu lili na nwuna kɔnyi kɔni na ɔdubuti udie likpidi bablane kasi ku lɛnungyie ndi nwuna awu gyɔlɔɔ.

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Batalane Kabla 11:21

Na ka Blɔti ɔyikun ɔkya-ma akɔ ɔsu ni, baƒɔtaadine bammɔ bémomo bébu.

Korintoƒuɔ 1 1:24

Nsu ni, bekyuli bani na Katɔti ɔ́ƒuna ɔ́lɛku bani ndi Yudaƒuɔ ku Helaƒuɔ akɔ ni, Kristo ɔni lɛlɔ litemi na bɔɔsu mɛni ɔdi Katɔti ɔyikun ku nwuna lɛnunda.

Korintoƒuɔ 2 13:4

Ina ka bákana Yesu bámana ugyii lɛlɔ na úkpi uwi ɔni kemmo na use kpɛtɛ kpɛtɛ ni, Katɔti ɔyikun kemmo na ɔ́sɔ ɔ́ta uli ngba. Na ka abu-ku Yesu bɔ́bla unwi ɔsu ni, buse kpɛtɛ kpɛtɛ aani kalɛ na anwu lɛnɔ use kpɛtɛ kpɛtɛ. Nsu bubo Katɔti ɔyikun ka bɔbla lɛla lɛni na ɔlɛka bɔbla na bina akɔ, ɔsika abu ku-nwu bulie na nwuna ɔyikun kemmo.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 7:14

Bítakya-mi kɔƒa na nwuna anumi ka lɛ́kun lɛmɛnɛ na bina lɛlɔ. Na ala ani ƒui na bɔɔsu-mii uwi biala kemmo ni, adi etemila geen. Na lɛni kani na lɛmɛnɛ lɛni na bɔ́kun na Tito anumi lɛnɔ ɔdi ulu lɛlɔ.

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Tesalonikaƒuɔ 1 5:8

Nsu abu bani nkya bukeye kemmo ni, bɛya na bɔda lɛlɔ kaduɛ. Na buti bula bɔƒɔtaadi ku bula bɔyɔ butaagyumana lɛlɔ aani kalɛ na kekpo adala aagyumana ukpone. Na butaasia anu ka Blɔti ɔdubɔƒɔ-bu, aani kalɛ na kekpo kabwa kaagyumana ukpone lili.

Timoteo 2 2:15

Da lɛlɔ kaduɛ na ulu biala lɛlɔ na Katɔti uwi-ɔ livo. Taya na kɔƒa kuteekpo-ɔ na ƒula kabla lɛlɔ. Mmomu bla ukyuli ɔni mɔɔtina Katɔti litemi lɛmmɔ geen.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Hebriƒuɔ 2:4

Katɔti ɔlati lɛnɔ údie ɔ́tina-bu nwaa ka litemi lɛmɛni lɛdi litemi geen ɔkɛnku akɔla budie taatina lidu lidu ku Katɔti Kɔyu etela lidu lɛni na úle ɔ́kya bekyuli kemmo na nwuna bɔyɔ kenye.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.