Korintoƒuɔ 2 6:6 - Katɔti Ɔku Kedee

⁶ Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Korintoƒuɔ 2 6:6 ပူးပေါင်းရင်းမြစ်များ

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Korintoƒuɔ 1 12:8

Ɔdi anwu ni, Katɔti Kɔyu kúte-nwu litela lɛni náya na ɔti butemi ku lɛnunda ɔkɛnku Kɔyu kɔmmɔ lɛlɔ. Na ɔdi lɛnɔ ni, Kɔyu kɔmmɔ kúte-nwu litela lɛni náya na ɔti butemi ku lɛlati ɔkɛnku Kɔyu kɔmmɔ kani lɛlɔ.

Korintoƒuɔ 1 13:4

Bɔyɔ bɔɔkɛ́ kayi na bɔɔbla kaƒɔ buni. Buuubo lɛnungyie na bulákun lɛmɛnɛ iye bɔtalaku lɛlɔ katɔ.

Korintoƒuɔ 1 2:16

Bunweni Kedee Ɔku ɔɔsu ɔnini, “Ukyuli ɔdi ɔɔɔgyi Katɔti lili kemmo. Na ɔdi lɛnɔ ulakana-nwu lɛla lɛdi bɔtina.” Nsu abu ni, Kristo kakali kakya-bu lɛlɔ kemmo.

Korintoƒuɔ 1 2:4

Na bɛdubɔnu ka mina ala ani na lɛ́tina ƒui ni, eeese aani ukyuli ɔni na kenye káda-nwu na úbo lɛnunda. Mmomu mina etemila bɔsu búdie bɔ́tina geen kalɛ na Katɔti Kɔyu ɔyikun use.

Korintoƒuɔ 2 1:23

Katɔti ɔlati ɔgyi ka naaayɔ ka libo mbani-mii kɔtu. Na ɔmɛni ɔdubɔya na lɛla lɛdi lɛsɔ lilékpoku-mii ka ɔɔɔdi ɔmɛni ɔsu na lɛ́bla kasusu nnii neeebo Korinto tɔ.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 11:4

Lɛni na bɛɛbabla teegyingya enu taaƒɔ ukyuli biala ɔni muubo taabasu-mii litemi lɛbambadi lɛni mɔɔvumana Yesu ɔni lɛlɔ lɛsa na bɔ́kɔ búte-mii udu. Na bɛɛƒɔ́ kɔyu ku litemi lɛni naaadi Katɔti Kɔyu ku bula litemi buni lɛmmɔ taadi.

Korintoƒuɔ 2 11:6

Ina kenye kátada-mi muedi ni, ɔɔɔdi Katɔti litemi na lɛɛɛgyi. Bɔ́ya na ɔmɛni ɔ́bla-mii nwaa na ulu biala lɛlɔ.

Korintoƒuɔ 2 12:15

Ɔmɛni ɔsu ndububile mina ala ani nse-mi na liti mina lɛlɔ muedi lite ku ebiti na bina lili. Anwuɔsu ka mɔɔyɔ́-mii pii lɛni ni, bi ɔsu na ɔlɛka bina bɔyɔ bɔƒana na mina lɛlɔ?

Korintoƒuɔ 2 13:10

Muunweni-mii ɔku ɔmɛni uwi ɔni na liiibo-mii kudɔ mɛni, kalɛ na si líbo ḿbeduo-mii kudɔ ni, na naaani-mii kɔtu kpakplaa na kenyekɔ kani na Blɔti úte-mi kenye. Úte-mi kenyekɔ kamɛni kalɛ na bina bɔƒɔtaadi bɔkɔ katɔ bubu, na ɔɔɔdi kani maya na bɔyu kalɔ.

Korintoƒuɔ 2 2:10

Si bíti ukyuli ɔmmɔ bɔƒiɔ bɛ́kyiɛ-nwu ni, ami lɛnɔ líti lɛ́kyiɛ-nwu. Na si bɔƒiɔ bɔdi bɔkya bɔni na ɔlɛka liti lɛkyiɛ-nwu ni, líti lɛ́kyiɛ-nwu na Kristo anumi kalɛ na bɛbla unwi.

Korintoƒuɔ 2 2:4

Sɔsɔ ni, ɔku ɔni na línweni-mii mmɔ ni, línweni-nwu na kayi ɔlɛ bunu ku enuƒɛ ku keku buwulo kemmo. Na ɔɔɔdi ka mɔɔwia nnii amii lɛnɔ binu ɔlɛ ɔdi, mmomu kalɛ na bɛnu bɛti ka mɔɔyɔ́-mii geen ɔsu.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 7:2

Bigyingya bina enu bite-bu. Bútaƒiɔ bina akɔ ɔdi, na bútakpanku ɔdi lɛnɔ bútavinku ulu ukpidi ɔdi lɛlɔ iye bɔnya ɔdi bɔkya.

Galatiƒuɔ 3:2

Bɛya na liye-mii ɔmɛni linu. Katɔti Kɔyu kɔni na úte-mii mmɔ ni, ɔkɛnku ɔda bubo bɔni lɛlɔ na bɛɛdi ɔsu munuu ɔkɛnku litemi lɛni na bínu na bɛ́ƒɔ bɛ́di ɔsu?

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 3:4

Na si bɛ́ka-nwu ni, bɛdubɔnu kalɛ na muunú Kristo abɛla amɛni kalɔ.

Eƒesoƒuɔ 4:2

Biteeboku lɛlɔ kalɔ uwi biala kemmo na bɛda lɛlɔ buɛɛ na bɛyala lɛkɔ na biteebunku lɛlɔ biti bɛtina ka bɛɛyɔ́ lɛlɔ sɔsɔ.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Timoteo 1 5:2

Da beleku bani nábi lɛlɔ bétulo-ɔ aani ƒula beni kalɛ. Na ada begblebi lɛnɔ aani ƒula banwani belekubi, na ataabla lɛlɔ kedee.

Timoteo 2 3:10

Nsu awɔ ni, áanu mina ala bɔtina áti ku mina ngba keliela ku mina kasusu ku mina bɔƒɔtaadi ku kalɛ na muuwi lɛlɔ ku kalɛ mɔɔyɔ́ bekyuli ku kalɛ na mɔɔkya ɔkplu na lɛbibo kemmo.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Yohane 1 3:18

Mina bebi bayɔne, bitaya na bɔyɔ lɛlɔ ku kenyekplu. Mmomu biteebunku lɛlɔ geen.

Litemi Batɛne 16:15

Amu na Delila úye Simson ɔnini, “Dɛ na akana asu anii aayɔ́-mi uwi ɔni na alasu-mi ƒula litemi geen mɛni? Ɔsika kɔtɛ sɔɔn mɛni na adaku-mi kɔdɔlɔ bɔbu. Na átakana na asu-mi kesii kani na ƒula ɔyikun bonwu ɔmɛni ɔɔsí teebo.”