Korintoƒuɔ 2 6:5 - Katɔti Ɔku Kedee

⁵ Bekyuli bébo-bu na bákya-bu aban ɔtɔ na báyoli-bu. Na bɔ́bla kabla bútulo lɛlɔ, na bútatɛ bútalɛɛ, na kɔka lɛnɔ kɔ́da-bu.

Korintoƒuɔ 2 6:5 ပူးပေါင်းရင်းမြစ်များ

Baga 1 22:27

Na asu-ma ka lɛni na ɔga ɔɔsu ɔnini, ‘Biti okloƒu ɔmɛni bɛkya ɔtɔ. Na bitete-nwu lɛla biala na ɔdi, si ɔɔɔdi bodobodo ku ntu kani wetédu ka línwini ḿbeduo buɛɛ.’ ”

Ala Alɛdi 2 16:10

Ka Asa únu lɛla lɛmɛni ni, úti kɔnyi geen na ɔ́ya na bákya Hanani aban ɔtɔ. Na lɛni kani na ɔ́bla anwu ɔlati nwuna bekyuli kalala.

Yesaia 53:5

Nsu ɔkɛnku bula ekpidi ɔsu na bébo-nwu ulikplu kemmo bákya-nwu ɔlɛ lɛlɔ na báƒɛ-nwu lɛlɔ ekpo ƒui kpɛtɛ kpɛtɛ. Na lɛbibo lɛmɛni kemmo na ɔ́sia na ɔ́ƒɔ ngba úte abu na bɔ́kɛ bɔnwuna.

Yeremia 33:1

Bagyumanane bammɔ bámu bábala-mi bákya ɔga kaduli mmɔ aani ɔtɔntɛne kalɛ asa na Unwoti ɔ́su-mi ɔnini, “Ami ndi Unwoti, na ami nédie kayawi kemodi kammɔ ƒui.

Yeremia 38:6

Amu na básɔku-mi bésienku ɔga kesii kaduli kemmo kesii kani na bagyumanane bammɔ bakya mmɔ, na báyula-mi bákya libiɔ lɛdi kemmo ku kɔbuli, na libiɔ lɛmmɔ lɛdi ɔga ɔmmɔ ubidi ɔni baalɔ Milkiya libiɔ. Nsu ntu bɔdi buuubo-ni kemmo.

Esekiel 3:17

“Esekiel, ɔyawine ubi, lídie-ɔ líse ka ataasia Israelƒuɔ anu. Anwuɔsu se atu na enu lɛla lɛni na mɔɔsu-ɔ na alɛ-ma kpakplaa ete-mi.

Mateo 14:10

Ɔmɛni ɔsu ɔ́tala ukyuli ɔdi na útékulo Yohane lili na aban ɔtɔ katɛnkɔ mmɔ.

Mateo 14:3

Ɔ́su lɛni ɔsika Herode ɔmɛni náya na béƒie Yohane na ɔ́ya bényimi-nwu na béti-nwu bákya aban ɔtɔ. Herode ɔ́bla ɔmɛni na ɔnwani Ƒilipo ulekudi Herodia ɔsu.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Batalane Kabla 13:3

Ɔmɛni ɔsu ka benengu bammɔ bélie kɔka na bákpali katɔ na bana lili ni, béti enu básia-ma lɛlɔ na bédie-ma ulu.

Batalane Kabla 14:19

Na Yudaƒuɔ badi bási Antiokia na Pisidia ɔmii lɛlɔ ku Ikonion bébo bábavumana bekyuli bamɛni kasusu, na báya bébo Paulo atabi na bákpɛ-nwu kalɔ bálɛku ɔma ɔmmɔ kemmo, na bákali banii úkpi.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Batalane Kabla 17:5

Nsu anumi égyie Yudaƒuɔ batɔnkune na bana lɛlɔ. Anwuɔsu bátáwia bekyuli basa basa badi na ɔma kemmo banii batákya ɔma bekyuli ogya. Na básala otogyi bákya lɛsɛ lɛmɛni na bésie bátáka bámana Yason kaduli banii betéƒie Paulo ku Silas besienku ɔma ɔmmɔ kasalakɔ.

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Batalane Kabla 23:10

Mɛni ni, bɔva bɔmɛni bɔ́sɔ bɔ́kɔ katɔ búbu. Na bekyuli bamɛni ƒui bada Paulo na baaní-nwu teenene. Na ka bekpone ɔtɔnkune ɔmmɔ ɔɔyia ka badubɔni-nwu baduli ɔsu ni, ɔ́su nwuna bekpone ɔnii beti-nwu beboku aban ɔtɔ kemmo.

Batalane Kabla 23:35

ɔ́sɔ ɔ́su-nwu ɔnini, “Ndubuduo ƒula litemi lɛmɛni kemmo na linu-ni kaduɛ si uwi ɔni na awɔ ku bekyuli bani ndaku lɛsɛ mmɔ bébo.” Amu na ɔ́sɔ údie lɛdi ɔ́su nwuna bekpone bani nnye ɔnii beti Paulo batákya ɔtɔ ɔni na Ɔga Herode ɔ́tu kemmo na bataagyumana-nwu.

Batalane Kabla 24:27

Amu na akwa anyɔ kama ni, bédie Ƒelike na béti Porkio Ƒesto bébesie-nwu keliekɔ. Nsu ka Ƒelike ɔɔwia ka Yudaƒuɔ bataayɔ-nwu litemi ɔsu ni, ɔ́ya na Paulo ɔ́sɔ ɔ́kya ɔtɔ katɛnkɔ mmɔ.

Batalane Kabla 26:10

Yudaƒuɔ bakpane benengu béte-mi ɔyikun na líƒie bekyuli kedee pii lɛ́kya ɔtɔ na Yerusalem. Na bana akɔ bani na bádu lɛnɔ ni, ɔdi-mi lɛƒɔyɔ.

Batalane Kabla 26:29

Amu na Paulo údie kenye ɔnini, “Uwi klukui iye uwi gyɔlɔɔ ni, mɔɔkpali katɔ nnii ɔmwi ni, amii bani nkya mɛni ƒui binwini aani kalɛ na ami lɛnɔ nse. Nsu ɔɔɔdi aani kalɛ na kɔgba kɔmɛni kɔ́da-mi kalɛ!”

Batalane Kabla 28:30

Amu na Paulo ɔ́kya mmɔ akwa anyɔ na kaduli kani na úvo kemmo, na útaaƒɔ bekyuli bani ƒui muubo-nwu kudɔ.

Batalane Kabla 5:18

Ɔmɛni ɔsu ni, béƒie-ma na béti-ma bátákya ɔtɔ.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 1 4:11

Úti úbalɛ ku ɔƒɛni ni, bɔkɛ ku kɔka ku utukwɛ. Na buuubo adala abuni adi. Na bekyuli beebó-bu. Na buuubo keliekɔ kadi.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Lɛkpa Ulu 25:3

Bakana na bebo-nwu kugyiimi aavlene. Na ɔmmɔ kama basɔ betebo-nwu lɛnɔ. Si útulo lɛni ni, badubo-nwu kɔƒa bɔkya na bekyuli akɔ.

Ƒilipiƒuɔ 1:13

Ɔmɛni ɔsu ni, lɛla biala lɛ́bla nwaa na ɔ́ya na bekpone bani ƒui mɔɔgyumana aban ɔtɔ mmɔ ku bani ƒui nkya mɛni bánu báti ka ɔni ndi Kristo Yesu kabla ɔblane ɔsu na ntɛ ɔtɔ.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Hebriƒuɔ 11:36

Bekyuli béwi badi anumi kalɔ na bébo-ma. Na badi lɛnɔ ni, bébo-ma kɔgba na bákya-ma aban ɔtɔ.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Hebriƒuɔ 13:23

Mɔɔyɔ́ ka lɛya bɛti ka bányonu bula ɔnwa Timoteo na aban ɔtɔ. Na si úyile mɛni búbeduo ni, ami ku-nwu bɔdubo bubanu-mii.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.