Korintoƒuɔ 2 6:4 - Katɔti Ɔku Kedee

⁴ Mmomu ni, lɛla biala lɛni na bɔɔbla kemmo ni, buudie taatina nwaa ka Katɔti kabla bablane na bɔdi. Bunye kpakplaa na lɛƒɛda ku lɛbibo ku bukpoku kemmo.

Korintoƒuɔ 2 6:4 ပူးပေါင်းရင်းမြစ်များ

Yesaia 61:6

Nsu ama alati ama badubunwini bakpane ku kabla bablane bete bula Unwoti. Kadi bamba bekyuli akɛla ƒui adubunwini bana ɔdi na baƒɔ lɛnyi.

Yoel 1:9

Edula ku ntɛ lɛkpa etela ƒui kenye kékulo na Unwoti kaduli. Na amii bakpane bani ndi Unwoti kenye benyene ƒui bíduo kɔnyana.

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Luka 21:19

Binye kpakplaa, na bɛdubɔkɛ ngba bɔni nsɔ naaadubo bɔsa kudii.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Batalane Kabla 20:34

Amii alati bɛgyi ka mina enu amɛni líti lɛ́bla kabla kani na ńtaadi ku kani na ńteeti taanu bekyuli bani nsiaku-mi lɛlɔ.

Batalane Kabla 9:16

Na ndubɔtina-nwu kalɛ na ɔlɛka ubo abi na ami ɔsu.”

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Romaƒuɔ 16:10

Bigyele Apele ɔni na bɔ́kɔku-nwu bɔ́nu na bɔ́nu ka ɔdia na Kristo kemmo mmɔ. Na bigyele Aristobulo kaduli bekyuli ƒui.

Romaƒuɔ 3:5

Bɔsu na bɔdubɔsu bɔnii bula ekpidi ani na bɔɔbla mɔɔyá na bekyuli baanu Katɔti lɛbuni lɛni na ɔɔbla taati? Na ɔmmɔ ɔsu ni, bɔdubɔsu bɔnii Katɔti ulábla kaduɛ si ɔɔní-bu kɔtu? Kudii! Nsu lɛni na badi baakali!

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 1 4:1

Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Korintoƒuɔ 1 9:11

Bɔ́va kɔyu kemmo ebi bɔ́kya-mii akɔ. Na si amii lɛnɔ bíte-bu ɔlɔna lɛlɔ ala ni, úbie?

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 2 11:9

Uwi ɔni na lɛ́kya-mii kudɔ ni, mina lɛlɔ bɔnu bútasia-mii lɛlɔ si mɔɔyaki lɛla lɛdi. Banwa bani nási Makedonia néteete-mi kebunku na lɛla biala kemmo. Na ńteti etila abambadi ńtasia-mii lɛlɔ na lɛɛɛdubo adi lɛnɔ buti bɔsia-mii lɛlɔ kudii.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 12:12

Lɛ́bla ala pii ku kayi buɛɛ na bina akɔ ani mɔɔtina ka ndi ɔtalane geen. Katɔti ɔ́sia-mi lɛlɔ na ɔ́bla akɔla budie taatina lidu lidu ku ala ebendi bamba lɛnɔ.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 4:8

Buubó abi uwi ndi uwi, nsu lɛbibo lɛmmɔ lítetulo-bu. Kasusu keekpóku-bu, nsu enu átaƒɛ-bu.

Korintoƒuɔ 2 7:11

Bɛnu kalɛ binye kpakplaa ka ala ammɔ éduo-mii na Katɔti ala lɛlɔ ɔsu. Bɛɛwia kpakplaa ka bidie lɛlɔ na likpidi kemmo na bilie sɛɛn. Ɔsika ala ammɔ eeƒí-mii livo na ana bɔbla bɔɔda-mii liƒu. Nu kalɛ na bígyingya enu ka bɛƒɔ-mi, na binye-mi kama kpakplaa. Na anumi égyie-mii ka bɛni likpidi ɔblane ɔmmɔ kɔtu. Na bidie lɛlɔ bɛtina na ulu biala lɛlɔ ka bɛɛɛkɛnku ɔbladu ukpidi ɔmmɔ.

Koloseƒuɔ 1:11

Muuvele-nwu nnii ɔya na nwuna ɔyikun ɔni nási nwuna bukeye kemmo ɔƒɔ-mii lɛlɔ kemmo ƒui kalɛ na bɛkana bunye kpakplaa na ala ani muukpóku-mii kenye ku kayi buɛɛ. Bɛgya Katɔti enu ku lɛlɔyɔ, ɔsika anwu náya na bínwini ala badine na Katɔ Ɔga Ɔma kesii kani na muukeye.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Tesalonikaƒuɔ 1 3:7

Ɔmɛni ɔsu ni, banwa, ina ka buubó abi na ala amɛni ényimi-bu muedi ni, bina bɔƒɔtaadi bɔɔkya-bu kubiti na kayi kaayɔ́-bu.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Timoteo 1 2:15

Nsu si uleku wenye kpakplaa na nwuna bɔƒɔtaadi kemmo ku bɔyɔ na wada lɛlɔ kedee na weboku lɛlɔ kalɔ ni, ɔdubɔvi nwuna kɔwɔ lɛbibo kemmo buɛɛ.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Timoteo 2 2:24

Na utalɛka ukyuli ɔni na ɔɔtɔnku Blɔti bekyuli utaadɔ. Mmomu ɔdi ka utaabla lɛƒɔndia teete ukyuli biala, na ɔkana ala butaatina, na ɔbla ukyuli ɔni na use buɛɛ.

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.