Korintoƒuɔ 2 6:18 - Katɔti Ɔku Kedee

¹⁸ Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Korintoƒuɔ 2 6:18 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 48:3

Amu na Yakob ɔ́su Yoseƒ ɔnini, “Unwoti Katɔti údie lɛlɔ ɔ́tina-mi na kesii kani baalɔ Lus na Kanaan kalɔ lɛlɔ. Na mmɔ ni, úte-mi kusɛ kusɛ.

Samuel 2 7:14

Ndubɔdi-nwu kɔti. Na anwu lɛnɔ ɔdi mina ubi. Na si ɔ́bla lɛla lɛdi ɔ́ƒiɔ-mi ni, ndubɔni-nwu kɔtu aani kalɛ na ubi ɔti ɔɔní ubidi kɔtu,

Ala Alɛdi 1 17:13

Ndubɔdi-nwu kɔti. Na anwu lɛnɔ ɔdi mina ubi. Na bɔyɔ bɔni nkya ami ku-nwu ntɛ bulékulo kudii aani ami ku Saul ɔni náka-nwu bulie ɔdi kalɛ.

Kɔgya 22:30

Bekyuli ƒui badubo Unwoti bɔbu. Na kaba bekyuli bani masia ƒui badubo Unwoti lɛlɔ kɔtɛ bɔtɛmi bute-ma.

Yesaia 43:6

Na ndubɔsu kɔlɔ kɔni na katɔ ku kada kakɛ bekyuli nnini, ‘Bɛnyonu mina bebi bananabi ku belekubi na benwini basi kalɔ ɔgyu ɔgyu mmɔ bebo.

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Yeremia 31:1

Unwoti ɔnini, “Israel, líse kenye ka Limeyi lɛdi lɛdubo ni, ƒula adua ƒui bekyuli badubɔsɔ benwini mina badi na ami lɛdi bina Katɔti.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Eƒesoƒuɔ 1:5

Katɔti ɔ́lɛ ugyii úse na nwuna kaƒɔ ƒaa bɔyɔ kemmo ka ɔdubɔsia Yesu Kristo lɛlɔ na ɔbla-bu nwuna bebi.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Budie Taatina 21:22

Na ńtanu kakpakɔ kadi na ɔma ɔmmɔ kemmo, ɔsika Unwoti Katɔti ɔni ndi Ɔyikune Ƒui ku Koƒonu Ubi ɔmmɔ alati ndi ɔma ɔmmɔ kakpakɔ.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.