Korintoƒuɔ 2 6:17 - Katɔti Ɔku Kedee

¹⁷ Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Korintoƒuɔ 2 6:17 ပူးပေါင်းရင်းမြစ်များ

Esra 10:11

Anwuɔsu ɔƒaani ni, bidie bina ekpidi kalɔ bɛtina bina Unwoti ɔni ndi bina bati kuuku Katɔti na bivele-nwu. Na bɛbla lɛla lɛni mayɔ-nwu kaƒɔ. Na bɛda lɛlɔ bɛmami kadi bamba bekyuli bani na beli bámana-mii mmɔ lɛlɔ na bɛnyonu bana beleku bammɔ.”

Esra 6:21

Ɔmmɔ ɔsu bekyuli beƒiedi bani nénwini bébo mmɔ ƒui bádi, úbunku kadi bamba bekyuli bani náda lɛlɔ bámami bana banwani ku bana ablala ƒui lɛlɔ ka basiaku Israel Katɔti kama.

Agba 9:6

Na bɛda bina adɔlɔla bɔbla bɛya na bise kalɔ ku ngba geen bulie na bɛda anu lɛnɔ.”

Yesaia 52:11

Bɛda Babel ɔma unengudi ɔmmɔ biwi na bɛlɛ-nwu kemmo! Na bitetuku lɛla lɛni muusé lɛlɔ lɛdi. Na bɛƒɔ bina adala ƒui amii bani nti Unwoti lɛlɔ ala ani nse kedee.

Yeremia 15:17

Neeesie emeyi kadikɔ taatádi taaní ku lɛlɔyɔ. Mmomu ami lɛti kani muulie, ɔsika kɔnyi kɔni na ákɛ kɔdi-mi etila.

Yeremia 51:6

Bɛvi bɛlɛ Babilon! Na bɛƒɔ bina lili ngba! Nsu si bɛ́ƒɔ lɛlɔ bɛkya mɛni bɔdi ni, bɛdubo bukpi si uwi ɔni na muudie ɔma ɔmmɔ kasi na mɔɔní-nwu kɔtu na nwuna ekpidi ani na ɔ́bla ɔsu.

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Bumomo Bɔka 16:26

Mmɔ na útébo Israelƒuɔ ɔda ɔnini, “Bɛta bina kuliekɔ mɛni na bɛkpɛ bɛlɛ bekyuli bekpidi bamɛni nvo kudɔ. Na ɔdi biala uteti nwuna kɔnu utetuku bekyuli bammɔ lɛla lɛdi kalɛ na ɔgbankpi ɔmmɔ ɔdi uletuku ɔdi ɔ́si bana likpidi ɔsu.”

Bumomo Bɔka 16:45

“Bɛkpɛ bɛlɛ Israelƒuɔ bammɔ kudɔ kalɛ na ɔdia-mi na lɛyila-ma udu kɔnakunwi.” Nsu Mose ku Aaron báyu bébi kalɔ.

Batalane Kabla 2:40

Amu na Petro ɔ́tɛmiku-ma laa na ɔ́lɛ-ma ɔ́su ɔnini, “Bɛda lɛlɔ bidie kɔtu bɔni bɔmɛni kemmo, bɔni mebo bekyuli bekpidi bamɛni ɔnwa lɛlɔ.”

Romaƒuɔ 15:7

Ɔmɛni ɔsu bigyingya enu na bɛƒɔ lɛlɔ aani kalɛ kani na Kristo úgyingya enu na ɔ́ƒɔ-mii. Ɔmɛni uuti ɔbu teete Katɔti.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Budie Taatina 18:4

Na línu lɛdi bamba ka lɛ́si katɔ mmɔ na lɛɛsu lɛnini, “Mina bekyuli, bɛvi bɛlɛ ɔma ɔmmɔ kemmo kalɛ na bilabla ekpidi ani na ɔɔbla, na ɔgbankpi ɔni mebo nwuna bekyuli lɛlɔ ulebo amii lɛnɔ lɛlɔ!