Korintoƒuɔ 2 6:16 - Katɔti Ɔku Kedee

¹⁶ Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Korintoƒuɔ 2 6:16 ပူးပေါင်းရင်းမြစ်များ

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Kɔgya 90:1

O Unwoti, ƒula kudɔ ndi bula kaba bekyuli keliekɔ ɔ́si kukuuku ƒui.

Israelƒuɔ Bɔlɛ 20:3

Bitese benwoti badi bitebunku-mi lɛlɔ.

Israelƒuɔ Bɔlɛ 23:13

“Bɛsia anumi na bɛdi ɔda biala na líbo-mii lɛlɔ. Bitakpali baƒiɔ biala bitawia bana kebunku, na bitalɔ ɔdi lɛnyi muedi.

Israelƒuɔ Bɔlɛ 25:8

“Na aya na batu kevo kedee bete-mi na lilie-ma akɔ.

Israelƒuɔ Bɔlɛ 29:45

Na ami Unwoti ndubɔkya-mii akɔ aani bina Katɔti kalɛ.

Israelƒuɔ Bɔlɛ 34:14

Na takpa ɔti ɔdi tebunku ami Unwoti lɛti pɛ. Ɔsika ami Unwoti muukpó kogyulo.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Yeremia 31:1

Unwoti ɔnini, “Israel, líse kenye ka Limeyi lɛdi lɛdubo ni, ƒula adua ƒui bekyuli badubɔsɔ benwini mina badi na ami lɛdi bina Katɔti.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yeremia 32:38

Badubɔbla mina bekyuli na ami lɛbla bana Katɔti.

Esekiel 11:20

na bitaadi mina ɔda bubo ku mina ala ani mɔɔtina-mii lɛlɔ. Na bɛdubɔbla mina kadi bekyuli na ami lɛbla bina Katɔti.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 36:28

Na bɛdubɔsɔ binwini bibelie ɔmii ɔni na líte bina bati lɛlɔ na binwini mina kadi bekyuli na ami lɛbla bina Katɔti.

Esekiel 43:7

“Esekiel, ɔyawine ubi, kakpakɔ kamɛni ndi mina lɛgaboku lɛni lɛlɔ na nli na kalɔ lɛlɔ mɛni. Na mɛni na ndubo bulie na mina kadi bekyuli Israelƒuɔ akɔ úti úsela uwi ƒui. Na ama ku bana baga basɔ balakya-mi kɔƒa na basɔ batátaakpa baƒiɔ badi.

Esekiel 43:9

Nsu si bekyuli bamɛni báda baƒiɔ bɔkpa báya na bábwɛ ala ani na bávɔ na bánwi bése baanu mmɔ ni, ndubulieku-ma uwi ƒui.

Hosea 14:8

Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Lewiƒuɔ Ɔda Bubo 26:12

Na ndubɔkya-mii akɔ na lɛbla bina Katɔti na amii lɛnɔ bɛbla mina bekyuli.

Seƒania 1:5

Na bani ƒui muulie bana lɛtɔ katɔ taakpali ayabi iye baakya lili kalɔ teete Milkom baƒiɔ, nsu baanyi ɔkɔ ka basiaku-mi kama siin ni, ndubo bana ƒui udu bɔyila.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Luka 5:36

Ɔmmɔ kama ni, Yesu ɔ́sɔ úbo-ma lɛgba lɛmɛni ɔnini, “Ukyuli ɔdi ulabwɛ awu awɔdi taaka taada ɔkukudi liƒi. Si ɔdi ɔ́bla lɛni ni, agyi anii úbile awu ɔwɔdi ɔmmɔ. Na ɔkukudi ɔmmɔ lɛnɔ ku ɔwɔdi ɔmmɔ ulamanku lɛlɔ.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Romaƒuɔ 8:9

Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Romaƒuɔ 9:26

Na kesii kani geen na lɛ́su nnii, ‘Bɛɛɛdi mina bekyuli’ ni, mmɔ na bekyuli badubɔlɔ-ma Katɔti Ɔni Nli Ngba Uwi Ƒui bebi.”

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Lɛkpa Ulu 5:7

Bitese benwoti badi bitebunku-mi lɛlɔ.

Timoteo 2 1:14

Na ɔkɛ Katɔti Kɔyu ɔyikun ɔni nkya-bu lɛlɔ kemmo ɔsu ni, da ala abuni ani ƒui na Blɔti úti ɔ́kya-a enu kemmo kaduɛ.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 1 4:15

Si ukyuli biala údie ɔ́su ɔnii Yesu ndi Katɔti Ubidi ni, ɔɔtina ka Katɔti uliku-nwu, na anwu lɛnɔ uliku Katɔti.

Budie Taatina 2:1

Amu na ɔ́su ami Yohane ɔnini, “Nweni ɔku te Eƒeso baƒɔtaadine lɛkpa ɔtu anii, “Ami Yesu nda ayabi maatɛ na mina kɔdianu na muusié teebo na sika ugyiedi ligyii maatɛ lɛni lɛlɔ na asogya ɔɔsia mmɔ ntɛ. Na ami mɔɔsu kenye kamɛni.

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.