Korintoƒuɔ 2 6:14 - Katɔti Ɔku Kedee

¹⁴ Bɛnu ka amii ku bekyuli bani naaadi baƒɔtaadine bítabla unwi na lɛla lɛni naaasia bula ulu lɛlɔ. Ɔsika lɛla lɛni nse siin ku lɛla lɛni neeese siin lilábla unwi. Na bukeye ku lɛdisa lilákya liku linwi.

Korintoƒuɔ 2 6:14 ပူးပေါင်းရင်းမြစ်များ

Ala Kalɔ Buse 24:3

na Unwoti Katɔti ɔni ndi katɔ ku kalɔ ƒui ɔti lɛnyi kemmo ka ni, alawia uleku ɔdi na Kanaanƒuɔ bani akɔ na akya mɛni elete mina ubi ɔnanabi.

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Esra 10:19

Na bése kenye ka badubɔnyonu bana beleku, na béte ɔmantɛ akɔ ɔkɔdi na béti babla likpidi lili buvele akpala.

Kɔgya 106:35

Mmomu básalaku-ma na basiaku bana ɔbladu kama na baabla lɛla linwi.

Kɔgya 119:63

Na bekyuli bani na baabu-ɔ na baadi ƒula ɔda bubo lɛlɔ ni, ama na mɔɔdiku kɔkpana.

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Agba 22:24

Da lɛlɔ mami na bekyuli bani muuti kɔnyi pla pla lɛlɔ.

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Lewiƒuɔ Ɔda Bubo 19:19

“ ‘Bɛdi mina ɔda bubo lɛlɔ kaduɛ. “ ‘Bitaya na bebuo lidu bun bun inyɔ bakɔ lɛlɔ. “ ‘Bitava edula ebi lidu inyɔ bitasala na kemo kenwi kemmo. “ ‘Bitakya lɛwu lɛni na bédi ku unwo lɛbuli udu bun bun.

Malakai 2:11

Amii bani nkya Yuda ku Yerusalem kalɔ lɛlɔ bilásiaku Unwoti kama siin. Na bíbile kakpakɔ kani na Unwoti ɔɔyɔ́ mmɔ ekisila na bɛɛbla ala ani muusé-nwu lɛlɔ na amii ku baƒiɔkpane biiti lɛlɔ.

Malakai 2:15

Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.

Yohane 7:7

Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Batalane Kabla 4:23

Uwi ɔni na bánya báda-ma bányonu ni, Petro ku Yohane bésie bana badi bammɔ kudɔ na básu-ma kalɛ na kasalakɔ kammɔ bekyuli básu-ma.

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Korintoƒuɔ 1 5:9

Na ɔku ɔni na línweni-mii kemmo ni, lɛ́su-mii nnii bitasala lɛlɔ ku bekyuli bani mɔɔdi kɔsɔnɔ.

Korintoƒuɔ 1 6:6

Nsu ɔnwa ɔƒɔtaadine uuti ɔkpanadi teesienku bekyuli bani naaadi baƒɔtaadine kudɔ banii batɛ bana etemila.

Korintoƒuɔ 1 7:39

Uleku ɔni na ulie kɔgya ni, uuubo kuƒi ka ulie kɔgya bamba na uwi ɔni na ɔgyani ɔmu uli ngba. Na si ɔgyani ɔmmɔ úkpi ni, mmɔ asa na ɔdubɔkana na ulieku ɔnana ɔbambadi biala na ɔɔyɔ́. Nsu ɔdi ka ɔnana ɔmmɔ ɔbla ɔƒɔtaadine.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.