Korintoƒuɔ 2 6:11 - Katɔti Ɔku Kedee

¹¹ Banwa Korintoƒuɔ, búgyingya enu búte-mii.

Korintoƒuɔ 2 6:11 ပူးပေါင်းရင်းမြစ်များ

Hiob 32:20

Na ɔlɛka lɛtɛmi lɛlɛku na lidie lɛla lɛmɛni kenye na lɛkɛ bɔnwuna.

Kɔgya 119:32

Ndubugyele anumi lɛsia ƒula ɔda bubo kama, ɔsika adubɔya na linu ala kalɔ libu.

Kɔgya 51:15

O Katɔti, ya libimi kenye na lɛtu lɛnu limwi-ɔ na bekyuli akɔ.

Yesaia 60:5

Na si bɛ́nu ɔmɛni ni, bina anumi adubukeye, na kayi lɛnɔ kata-mii na bɛtalaku lɛlɔ katɔ ku lɛmɛnɛ. Na badubɔsiku ala abuni ku lɛkɛ lɛni na lɛ́si ketu ɔvi ku kadi bamba bekyuli akɔ ƒui beboku-mii.

Esekiel 33:22

Limeyi lɛni useyi uwi asa na ukyuli ɔmɛni ɔdububo-mi kudɔ ni, Unwoti ɔyikun ɔ́ƒɔ-mi lɛlɔ kemmo ƒui. Anwuɔsu asa na kadi keteegye uwi ɔni na ɔnana ɔmɛni úubo ɔkya ni, Unwoti ɔ́ya na lɛ́sɔ lɛ́kana na mɔɔtɛmi taasu nwuna ala.

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.

Batalane Kabla 18:1

Amu na ɔmmɔ kama ni, Paulo ɔ́tɔlɔ Atene úsie Korinto.

Batalane Kabla 18:8

Amu na kasalakɔ kammɔ unengu ɔni baalɔ Krispo ku nwuna kaduli bekyuli ƒui báƒɔ Blɔti bádi, na bákpila-ma ntu. Lɛni kani na bákpila babambadi bani náƒɔ bádi lɛnɔ ntu na Korinto mmɔ.

Korintoƒuɔ 2 12:15

Ɔmɛni ɔsu ndububile mina ala ani nse-mi na liti mina lɛlɔ muedi lite ku ebiti na bina lili. Anwuɔsu ka mɔɔyɔ́-mii pii lɛni ni, bi ɔsu na ɔlɛka bina bɔyɔ bɔƒana na mina lɛlɔ?

Korintoƒuɔ 2 2:4

Sɔsɔ ni, ɔku ɔni na línweni-mii mmɔ ni, línweni-nwu na kayi ɔlɛ bunu ku enuƒɛ ku keku buwulo kemmo. Na ɔɔɔdi ka mɔɔwia nnii amii lɛnɔ binu ɔlɛ ɔdi, mmomu kalɛ na bɛnu bɛti ka mɔɔyɔ́-mii geen ɔsu.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Galatiƒuɔ 4:12

Banwa, muuvele-mii nnii bɛtɛya-mi na bɛlɛ-mi. Ɔsika ami lɛnɔ ukyuli ndi aani bina kalɛ. Na ɔdi útabla-mi likpidi lɛdi.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Eƒesoƒuɔ 6:8

Si ukyuli ɔdi ɔɔbla ukyuli bamba kabla iye ɔɔbla anwu ɔlati kabla ni, ɔlɛka ɔbla-ka kaduɛ. Ɔsika ɔdubɔƒɔ lɛyuƒɔla ɔsiku Blɔti kudɔ.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Ƒilipiƒuɔ 4:15

Na amii Ƒilipiƒuɔ ni, amii alati bɛgyi geen ka uwi ɔni na lɛ́tɔlɔ Makedonia na líse kalɔ mɔɔkɔ́ litemi buni lɛmmɔ lɛsa ni, amii kani ndi baƒɔtaadine lɛkpa lɛni néte-mi kebunku na lɛla lɛni na lɛ́bla líte-mii kenye.

Budie Taatina 22:12

“Bɛnu! Ami Yesu ndubo uwi klukui! Na ndanku lɛyuƒɔla lɛni námanku kabla biala ndububoku, na mbaƒɔ ɔdi biala kayu na lɛla lɛni na ɔ́bla kenye.

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.