Korintoƒuɔ 2 5:20 - Katɔti Ɔku Kedee

²⁰ Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Korintoƒuɔ 2 5:20 ပူးပေါင်းရင်းမြစ်များ

Baga 2 17:13

Unwoti úbo-ma ɔda geen ɔkɛnku nwuna bekyuli ku kenye bediene bani na ɔ́tala ɔ́kya Israelƒuɔ ku Yudaƒuɔ lɛlɔ ɔnini, “Binwini bina ɔbladu ukpidi ɔmmɔ kama. Na bitaadi mina ɔda bubo ku mina bunyimi lɛlɔ ɔkɛnku ɔda bubo bɔni ƒui na líte bina bati ka bataadi-mu lɛlɔ ku kalɛ na mina kabla bablane ku kenye bediene básu-mii lɛlɔ.”

Ala Alɛdi 2 36:15

Nsu Unwoti Katɔti kadi bekyuli bammɔ lɛlɔ lɛ́kywi-nwu kaƒɔ na ɔni na ɔkyula kakpakɔ kammɔ na kayii udu ni, bɔtala mmomu na ɔ́tala nwuna kenye bediene na bábadɔnku-ma kɔlɛ kɔlɛ na bana ekpidi ɔsu.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Hiob 22:21

“Hiob, boku lɛlɔ kalɔ te Katɔti Ɔyikune Ƒui na awɔ ku-nwu biwi kenye ntu na akɛ keyi buɛɛ. Ɔsika lɛni na adubɔbla asa na ala adianku-ɔ.

Hiob 33:23

“Nsu Katɔti batu pii bammɔ akɔ unwi ɔdubo na ubedie ɔtina-nwu lɛla lɛni ndi lɛbuni lɛni na ɔlɛka ɔbla.

Hiob 33:6

Lɛti na béti bávɔ bula ƒui, na Katɔti ulánu ukyuli ɔdi anumi taabla lɛla lɛdi.

Agba 13:17

Ɔtalane ɔni naaagyi kalɛ beesié lɛtu ni, uuti lɛlɔ taatákya ɔgbankpi kemmo. Nsu ɔtalane ɔni ngyi kalɛ na baasu kenye ni, ɔɔyá na kayi kaayɔ́ bekyuli.

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yeremia 38:20

Amu na lɛ́su-nwu nnini, “Lɛ́su-ɔ ka si adubunu Unwoti litemi ni, Babilonƒuɔ baaadubo-ɔ buti bɔkya Yudaƒuɔ enu kemmo, mmomu adubulie ƒaa na ala adianku-ɔ kaduɛ.

Yeremia 44:4

Mɔɔyá na mina kabla bablane kenye bedie beebo taabatɛmiku-ma taasia kama uwi ndi uwi kalɛ na nkisi bana ablala ani muusé lɛlɔ mmɔ. Na bébo-ma ɔda kpakplaa ka bada bana alaekpidi bɔbla baya.

Malakai 2:7

“Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Luka 14:23

“Amu na Unwoti ɔmmɔ ɔ́su-nwu ɔnini, ‘Sie na asia umolu ku akpaklɔ lilu na akya ɔkplu na akpanku bekyuli ƒui eboku kalɛ na mina ɔtɔ ɔmmɔ kemmo ƒui keyi.

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Eƒesoƒuɔ 6:20

Na litemi lɛmmɔ ɔtalane na ndi, ina ka nkya kɔgba kemmo mɛni. Bivele na mina lili na lɛsu litemi lɛmmɔ kalɛ na ɔ́manku ku kayi buse!

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.