Korintoƒuɔ 2 5:16 - Katɔti Ɔku Kedee

¹⁶ Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Korintoƒuɔ 2 5:16 ပူးပေါင်းရင်းမြစ်များ

Bumomo Bɔka 10:30

Amu na Hobab údie kenye ɔnini, “Oowo, lɛɛɛdubo mmɔ busie, mmomu línwini lísela mina bati ku beni kalɔ lɛlɔ.”

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Yohane 2:4

Amu na Yesu ɔ́su-nwu ɔnini, “Uleku, ɔɔɔdi awɔ masu-mi lɛla lɛni mabla. Uwi ɔni na mete kebunku útedu tɔ.”

Yohane 6:63

Katɔti Kɔyu muute ngba. Na ukyuli ɔlɔna ɔɔɔdi lɛla lɛdi. Ala ani ƒui na mɔɔsu-mii ni, ndanku Katɔti Kɔyu kɔni muute ngba líboku-mii.

Yohane 8:15

Kayawi kasusu kemmo na bɛɛtɛ litemi. Nsu ami ni, naaatɛku ɔdi litemi.

Korintoƒuɔ 2 11:18

Nsu ka bekyuli pii baakun lɛmɛnɛ na kayawi ala lɛlɔ ɔsu ni, bɛya na ami lɛnɔ lɛkun lɛmɛnɛ lɛdi blii.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Lɛkpa Ulu 33:9

Ɔsika bídie bina Unwoti kama bɔsiaku bɔyɔ bɛtina geen. Na bɔyɔ bɔmmɔ bubo ɔkplu butulo bɔni bibo bite bina bawɔne ku banwani ku bebi muedi.

Ƒilipiƒuɔ 3:4

Na si ukyuli ɔdi ɔɔkali ka ɔkana uti lɛlɔ ɔsia ɔlɔna lɛlɔ ɔdi ablala lɛlɔ ni, na nka ami mbo kuƒi kɔmmɔ ntulo.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Samuel 1 2:29

Na etela ku akpala ani na béti béboku-mi aani kalɛ na lɛ́tina ka babla na mina keliekɔ ni, bi ɔsu na bɛɛyá na eesé lɛlɔ? Na bi ɔsu na aabu ƒula bebi teetulo-mi, na bíti mina bekyuli bammɔ etela ku akpala ammɔ kɔdikɔ kɔbuni ƒui bínwini amii kɔdi na bílie lɛmwi?’