Korintoƒuɔ 2 5:15 - Katɔti Ɔku Kedee

¹⁵ Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Korintoƒuɔ 2 5:15 ပူးပေါင်းရင်းမြစ်များ

Baga 2 5:17

Amu na Naaman ɔ́su-nwu ɔnini, “Si anii aláƒɔ lɛla lɛdi ni, amu ya na beku lɛti lɛni ndubudu bebuo ala betine inyɔ buti na basiaku-mi buteesie ɔma. Ɔsika ɔ́si ɔƒɛni úsela ni, nsɔ lɛɛɛdubo akpala iye bɔkyula akpala adi bɔbla bute baƒiɔ badi amu ntu Unwoti lɛti pɛ kani.

Esekiel 16:6

“ ‘Lɛ́nu uwi ɔni na atɛ ƒula ubugya kemmo eebó teeminime na ńtakana na linye lɛnu na ekpi.

Esekiel 37:14

Mina Kɔyu kɔdubɔya na ɔƒɛƒɛɛ ɔsɔ uduo-mii lɛlɔ kemmo na bɛsɔ bibelie ngba. Ami Unwoti násu. Ndubɔsɔku-mii liboku bina ɔma na bɛti ka lɛ́di mina linyese lɛlɔ. Ami Unwoti násu.’ ”

Esekiel 37:9

Amu na Unwoti ɔ́su ɔnini, “Esekiel, ɔƒaani ni, su ɔƒɛƒɛɛ anini, ‘Unwoti uudie lɛdi teete-ɔ ɔnii kpo si lɛƒɛnyi ƒui lɛlɔ na anwuna ngba ɔƒɛƒɛɛ akya bekpine bamɛni kemmo kalɛ na basɔ benwini bebelie ngba.’ ”

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Sakaria 10:9

Ina ka lígyingya mina bekyuli lɛ́kya kaƒɔ kalɔ ɔlɔgyu muedi ni, baaadubo-mi bɔyiƒala. Ama ku bana bebi ƒui badubɔkɛ ngba na benwini bebo.

Luka 1:74

ɔdubudie-bu na bula bekisine enu kemmo, na ɔdubɔya na bɔbla-nwu kabla na liƒu lɛsɔ lɛɛɛdubo-bu bɔda.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 6:57

Kalɛ na Ati ɔni nli ngba ɔ́tala-mi na ɔkɛnku anwu ɔsu na nli ngba ni, lɛni kani na ukyuli ɔni mɔɔdi mina ɔlɔna lɛnɔ welie ngba ɔkɛnku ami ɔsu.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Romaƒuɔ 8:10

Ina Kristo ɔkya-mii kemmo ni, bina ɔlɔna ɔdubo bukpi na likpidi ɔsu. Nsu bina kɔyu kɔdubɔsɔ kɔkya ngba, ɔsika Katɔti ɔ́bla-mii siin.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Romaƒuɔ 8:6

Ukyuli ɔni kasusu mɔɔsia ɔlɔna ala lɛlɔ ni, ɔɔkɛ́ kukpi. Nsu ukyuli ɔni kasusu mɔɔsia Katɔti Kɔyu lɛlɔ ni, ɔɔkɛ́ ngba ku keyi buɛɛ.

Korintoƒuɔ 1 10:33

Bɛbla kalɛ kani na mɔɔbla lɛla biala. Mɔɔsia anu kalɛ na naaata neeenye ɔdi lɛlɔ. Naaakali taanu mina lɛkɛ, mmomu lɛla lɛni madia mete ɔdi biala kalɛ na bakɛ bɔƒɔ.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Galatiƒuɔ 5:25

Na ka ɔkɛnku Kɔyu kɔmmɔ lɛlɔ ɔsu na bulie ngba ni, bɛya na Kɔyu kɔmmɔ kɔtɔnku-bu.

Eƒesoƒuɔ 4:17

Anwuɔsu mɔɔlɛ-mii na Blɔti lɛnyi kemmo nnii bɛsɔ bitelie ngba aani bekyuli bani naaagyi Katɔti na beeti kasusu kekpludi,

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Koloseƒuɔ 2:12

Na uwi ɔni na bɛ́ƒɔ ntu bɔkpila ɔdi ɔmmɔ ni, ɔ́tina ka amii ku Kristo nékpi na báva-mii. Na amii ku-nwu lɛnɔ náta bɛ́lɛ bekpine akɔ ɔkɛ bina bɔƒɔtaadi bɔni bibo kenye.

Koloseƒuɔ 3:1

Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Koloseƒuɔ 3:23

Na lɛla biala na bɛɛbla ni, bɛbla-ni ku kaƒɔ nwaa aani si Blɔti na bɛɛbla bite na ɔɔɔdi bekyuli.

Tesalonikaƒuɔ 1 5:10

Yesu ɔmɛni nékpi na bula lili ɔni na si bulie o-o, si bukpi o-o ni, bɔdubulieku Blɔti na nwuna bɔsɔ bubo kemmo.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Petro 1 4:6

Ɔsika ɔmɛni ɔsu na Yesu Kristo ɔ́kɔ litemi buni lɛmmɔ lɛsa úte bekyuli bani nékpi lɛnɔ. Katɔti úti kukpi ɔ́ni-ma kɔtu aani kalɛ na ɔdubɔlɛku bekyuli ƒui. Nsu Yesu Kristo ɔ́kɔ litemi buni lɛmmɔ lɛsa úte-ma kalɛ na baƒɔ-ni na bakɛ kɔyu kemmo ngba aani kalɛ na Katɔti ɔɔwia.

Yohane 1 4:9

Ka Katɔti ɔ́yɔ ka udie nwuna bɔyɔ ɔtina-bu ɔsu ni, ɔ́tala Ubidi unwi pɛ ɔnii ubo kayawi, kalɛ na ɔkɛnku Ubidi ɔmmɔ lɛlɔ na bɔkɛ ngba bɔni nsɔ naaadubo bɔsa kudii.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.