Korintoƒuɔ 2 5:1 - Katɔti Ɔku Kedee

¹ Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Korintoƒuɔ 2 5:1 ပူးပေါင်းရင်းမြစ်များ

Ala Kalɔ Buse 3:19

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Hiob 30:22

Na édie ɔƒɛƒɛɛ kpakplaa ákya-mi na uubó-mi taavinku.

Hiob 4:19

Na dɛ na ɔdubo buse bute ukyuli ɔni na lɛti na béti bávɔ-nwu na ɔtumu kani na ɔdi? Bakana na banya-nwu babwɛ aani agyangbaala!

Kɔgya 56:9

Na limeyi lɛni na makpali-ɔ ni, na abɔku mina bekisine na badubusie kama. Ɔsika ngyi ka Unwoti unyeku-mi.

Yesaia 38:12

Lɛ́nu ka mina ngba bɔdubo liku bɔda aani kevo kani na báda bágyu na báƒɛ kevo adi ammɔ, iye aani kɔdi kɔni na békulo bédie bedine kevo. Na ɔ́bla-mi aani Unwoti bɔwɔlɔ na ɔdaku-mi.

Marko 14:58

“Búnu ka ɔ́su ɔnini, ‘Ndubɔƒɛ kakpakɔ kani na bátu mɛni. Na emeyi atɛ kama ni, nsɔ ndubɔtu kabambadi kani na ɔɔɔdi bekyuli bayawine nátu-ka.’ ”

Batalane Kabla 7:48

“Nsu Katɔti ulélie ɔtɔ ɔni na bekyuli bayawine bátu kemmo. Unwoti ɔ́kɛnku nwuna kenye bediene lɛlɔ ɔ́su ɔnini,

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Koloseƒuɔ 2:11

Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Hebriƒuɔ 11:10

Ɔsika Abraham unye ɔɔnu ulu ute ɔma unengudi ɔni na Katɔti ɔ́da na use uwi ƒui.

Hebriƒuɔ 9:11

Uwi ɔni na Kristo úbo aani ɔkpane unengudi kalɛ úte ala abuni ani náada alɛ ni, ɔ́vi úduo kakpakɔ kani náƒɔ kuye na kadia ketulo ƒui kemmo. Na ɔɔɔdi ukyuli enu na béti bátu-ka. Na bɔkana budie kalɔ bɔnii ɔɔɔkɛnku kalɛ na bédie kayawi kamɛni lɛlɔ ala kalɛ.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Petro 1 1:4

Na bɔɔnu anumi ka bɔdubɔdi ala ani na Katɔti ɔ́klibi úse na katɔ, na adi ala ani neeebie na alanyi taakpi iye ayii udu lɛnɔ.

Petro 2 3:11

Na si ala amɛni ƒui adubɔkywi lɛni ni, dɛ na ɔlɛka bɛda bina lɛlɔ? Ɔdi ka bɛda ngba bɔni nse kedee na biti lɛlɔ bite Katɔti.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 3:19

Ɔmɛni bɔbla kemmo na bɔdubɔti ka bɔgyi litemi geen lɛmmɔ na bɔkɛ kayi ƒaa na Katɔti anumi.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.