Korintoƒuɔ 2 4:8 - Katɔti Ɔku Kedee

⁸ Buubó abi uwi ndi uwi, nsu lɛbibo lɛmmɔ lítetulo-bu. Kasusu keekpóku-bu, nsu enu átaƒɛ-bu.

Korintoƒuɔ 2 4:8 ပူးပေါင်းရင်းမြစ်များ

Kɔgya 129:2

“Ina ka kadi bamba bekyuli békpoku-mi ɔ́si mina lɛkloƒu uwi ni, bátakana na badi-mi lɛlɔ.

Kɔgya 37:33

Nsu Unwoti Katɔti ɔɔɔdubo-nwu bɔnyonu bɔkya-nwu enu kemmo na ɔɔɔdubo ukyuli ɔbuni ɔmmɔ lɛnɔ kɔtɔ bɔdu si ɔɔtɛku-nwu litemi.

Agba 14:26

Lɛla lɛdi lilekpoku bekyuli bani mɔɔyia Unwoti. Ɔsika Unwoti ɔdi katamikukɔ ute bana bebi.

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Habakuk 3:17

Ina adingyii lidu ƒui líbulo bɔnwu, na lɛla lɛdi liiibo na edula ɔƒɛwi na bekyuli baƒɛ bakya linwu, iye bebuo ayu ƒui ese ukpludi na baƒonu iye ɔmantɛ bɔkɔ beeebo-ni kemmo,

Yohane 14:18

Si lɛ́tɔlɔ-mii kudɔ ni, naaada-mii neeese aani bekpinebi. Mmomu ndubɔsɔ linwini libo-mii kudɔ.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 6:12

Ɔɔɔdi abu nétedie enu! Mmomu amii námana amangba bɛ́kya-bu.

Korintoƒuɔ 2 6:4

Mmomu ni, lɛla biala lɛni na bɔɔbla kemmo ni, buudie taatina nwaa ka Katɔti kabla bablane na bɔdi. Bunye kpakplaa na lɛƒɛda ku lɛbibo ku bukpoku kemmo.

Korintoƒuɔ 2 7:5

Ka búbeduo Makedonia muedi ni, bútakɛ bɔnwuna bɔdi. Mmomu ɔgbankpi sɔɔn na bekyuli bada baasiaku-bu kesii biala. Na bekyuli beekpóku-bu na liƒu lɛkya-bu lɛlɔ kemmo.

Galatiƒuɔ 4:20

Na mɔɔyɔ́ geen ka nka lɛkya-mii kudɔ ɔƒɛni na liboku mina lɛdi kalɔ, ɔsika bina ablala ese-mi kalɛ kadi!

Samuel 1 28:15

Amu na Samuel úye-ma ɔnini, “Bi ɔsu na biléte-mi bɔtɛ kpoo na bɛɛkpali-mi lɛni?” Mmɔ na Saul ɔnini, “Ala eekpóku-mi geen ɔni na ɔɔɔdia. Ƒilistiƒuɔ báta banii bebekpoku-mi, nsu Unwoti únwini kama ɔ́kya-mi ɔni na ɔsɔ ulakpete-mi ɔkɛnku nwuna Kenye Udiene ɔdi lɛlɔ iye ina kɔna bugye kemmo muedi. Anwuɔsu na lɛ́kɔ-ɔ lɛlɔ na atina-mi kalɛ na lɛbla.”

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.

Samuel 1 31:4

Amu na Saul ɔ́su nwuna ekpola ala utine ɔnini, “Ni ƒula kewii kpa livuo kemmo na atu-mi adu, kalɛ na kadi bamba bekyuli bani na bétekulo-ma ago mɛni balábadu-mi na bataakun lɛmɛnɛ teedumi-mi.” Nsu Saul ekpola utine ɔmmɔ ɔ́yia ka ɔbla lɛni. Anwuɔsu Saul údie anwu ɔlati nwuna kewii na úbuli útébi-ka lɛlɔ.