Korintoƒuɔ 2 4:5 - Katɔti Ɔku Kedee

⁵ Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Korintoƒuɔ 2 4:5 ပူးပေါင်းရင်းမြစ်များ

Mateo 23:8

“Na bɔƒɔtaadi ulu lɛlɔ ni, bitaya na bekyuli balɔ-mii Unwoti, ɔsika banwa na bɛdi bite lɛlɔ. Na Unwoti unwi pɛ kani na bibo.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Korintoƒuɔ 1 10:33

Bɛbla kalɛ kani na mɔɔbla lɛla biala. Mɔɔsia anu kalɛ na naaata neeenye ɔdi lɛlɔ. Naaakali taanu mina lɛkɛ, mmomu lɛla lɛni madia mete ɔdi biala kalɛ na bakɛ bɔƒɔ.

Korintoƒuɔ 1 12:3

Na ɔdi ka bɛnu bɛti ka ukyuli biala na Katɔti Kɔyu mɔɔdi-nwu lɛlɔ ni, ulakana na wasu ɔnii, “Yesu ɔdubɔnuku-ni.” Lɛni kani na ukyuli ɔdi lɛnɔ ulakana na wasu ɔnii, “Yesu ndi Blɔti,” si ɔɔɔdi Katɔti Kɔyu mɔɔdi-nwu lɛlɔ.

Korintoƒuɔ 1 15:47

Adam udeedi ɔni na Katɔti úti lɛti ɔ́vɔ ni, kalɔ lɛlɔ na ɔ́si. Na Adam unyɔdi ni, katɔ na ɔ́si.

Korintoƒuɔ 1 2:2

Na uwi ɔni na ḿbakya-mii kudɔ ni, lɛ́tɛmiku-mii na Yesu Kristo ɔmmɔ lɛti pɛ lɛlɔ. Na ɔni ntulo ƒui ndi nwuna kukpi na ugyii lɛlɔ.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Korintoƒuɔ 2 1:19

Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Ƒilipiƒuɔ 1:15

Na ɔdi sɔsɔ ka badi baasu Kristo litemi lɛmmɔ ɔsika beekpó kogyulo na baawia lɛnyi ɔsu. Nsu badi ama baasu-ni taasiku kasusu kabuni kemmo.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.