Korintoƒuɔ 2 4:18 - Katɔti Ɔku Kedee

¹⁸ Ɔsika búti bula anu bɔ́sia ala ani na bula anumi alakana bɔnu lɛlɔ, na ɔɔɔdi ala ani na bula anumi aakana bɔnu. Na ala ani na bula anumi aakana bɔnu ni, uwi klukui ɔdi kani na anya aakya. Na ani na bula anumi alakana bɔnu ni, ese ésela uwi ƒui.

Korintoƒuɔ 2 4:18 ပူးပေါင်းရင်းမြစ်များ

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Korintoƒuɔ 2 5:7

Na bula ngba bɔni na bulie mɛni ni, bɔkɛnku bɔƒɔtaadi lɛlɔ. Na ɔɔɔdi lɛla lɛni na buti bula anumi bɔnu bɔti.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Hebriƒuɔ 11:1

Si ebo bɔƒɔtaadi ni, ɔɔtina ka ebo lɛnunsia kpakplaa na ala adi lɛlɔ. Na agyi geen ka adubɔkɛ ala adi ina ka alánu-nya.

Hebriƒuɔ 11:13

Bekyuli bamɛni ƒui ni, bélie ngba ku bɔƒɔtaadi útédu uwi ɔni na békpi. Ala ani kenye na Katɔti ɔ́su-ma úse ni, étetuku-ma kɔnu. Nsu ni, bánu-nya ɔ́gyu kakaaka na bégyingya enu bése ka baƒɔ linyese lɛmmɔ. Na básu nwaa ka badi baƒɔ na kalɔ kamɛni lɛlɔ.

Hebriƒuɔ 9:11

Uwi ɔni na Kristo úbo aani ɔkpane unengudi kalɛ úte ala abuni ani náada alɛ ni, ɔ́vi úduo kakpakɔ kani náƒɔ kuye na kadia ketulo ƒui kemmo. Na ɔɔɔdi ukyuli enu na béti bátu-ka. Na bɔkana budie kalɔ bɔnii ɔɔɔkɛnku kalɛ na bédie kayawi kamɛni lɛlɔ ala kalɛ.

Yohane 1 2:25

Na ngba bɔni naaadubo bɔsa ndi kenye kani na Kristo úse úte-bu.