Korintoƒuɔ 2 4:17 - Katɔti Ɔku Kedee

¹⁷ Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Korintoƒuɔ 2 4:17 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Kɔgya 119:67

Lídeyi ƒula ɔda bubo ulu lɛlɔ, anwuɔsu na áni-mi kɔtu. Na ɔƒaani ni, nda ƒula ɔda bubo bɔmmɔ kpakplaa.

Kɔgya 119:71

Na kɔtu kɔni na áni-mi ɔ́ya na lili lɛ́dia-mi geen, ɔsika ɔ́ya na muuduo ƒula etemila kemmo kaduɛ.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Kɔgya 31:19

Áklibi ala abuni geen ése bekyuli bani mɔɔbu-ɔ na békeli bábatamiku-ɔ. Na adubuti-nya ete-ma na bekyuli ƒui anumi.

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Yesaia 26:20

Mina bekyuli, bɛgyu lɛgba na bitákalɛ lɛlɔ bɛkya lɛtɔ wetédu ka Unwoti kɔnyi kɔni ala na ɔdubo bina bekisine bɔbla kɔ́vi.

Yesaia 54:8

Uwi klukwii ɔdi kani na línwini kama lɛ́kya-mii ku kɔnyi kati kati. Nsu ɔ́si ɔƒɛni úsela uwi ƒui ni, ndubɔnu-mii kɔnyana! Ami ɔni ndi bina ɔgyumanane ku Unwoti muusé-mii kenye kamɛni.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Bumomo Bɔka 5:28

Nsu si uleku ɔmmɔ útebile lɛlɔ na lɛla lɛdi lɛɛɛda-nwu ka use sɛɛn ɔsu ni, ɔdubɔkana na ɔwɔ bebi.

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Luka 6:23

“Bɛkɛ ebiti si amɛni ƒui aalɛ́ na bɛtɔ ku ebiti, ɔsika Katɔti ɔdubute-mii lɛyuƒɔla bonwu na katɔ. Ɔsika ala amɛni udu na béti bábla Katɔti kenye bediene bani nákya ƒui.

Batalane Kabla 20:23

Nsu na lɛma lɛni ƒui kemmo na mɔɔví ni, Katɔti Kɔyu kɔɔyá na mɔɔtí ka ndubɔtɛ ɔtɔ ku lɛbibo.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Romaƒuɔ 8:18

Mɔɔnu taati geen ka abi ani na buubó ɔƒaani ni, aaadi lɛla lɛdi na kalɛ na Katɔti ɔdubɔya na bukeye kudɔ.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Romaƒuɔ 8:37

Na ɔmɛni ƒui kemmo ni, butulo lɛlɔ badine ɔkɛnku Kristo ɔni mɔɔyɔ́-bu ɔsu.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Ƒilipiƒuɔ 1:19

Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.

Tesalonikaƒuɔ 2 1:4

Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.