Korintoƒuɔ 2 4:11 - Katɔti Ɔku Kedee

¹¹ Sɔsɔ na bula ngba bulie kemmo ƒui ni, bɔkya kukpi ɔgbankpi kemmo na Yesu ɔsu. Nsu ɔyikun ɔni na úte-bu na bula ɔlɔna kemmo ɔsu ni, ɔdubɔya na bekyuli banu nwuna ngba bati.

Korintoƒuɔ 2 4:11 ပူးပေါင်းရင်းမြစ်များ

Kɔgya 141:7

Na badubo bana ekubi bugyingya buwi kɔƒiɔtɔ atu aani atakpɛ kɔkɛ, kalɛ kalɛ.

Kɔgya 44:22

Sɔsɔ na awɔ ɔsu ni, bɔkya kukpi ɔgbankpi kemmo limeyi ndi limeyi. Na baabla-bu aani kalɛ na baabla baƒonu bani na béti-ma bésela batádu.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Romaƒuɔ 8:36

Ɔkya Bunweni Kedee Ɔku kemmo ka, “Na awɔ ɔsu ni, bɔkya kukpi ɔgbankpi kemmo limeyi ndi limeyi. Na baabla-bu aani kalɛ na baabla baƒonu bani na béti-ma bésela batádu.”

Korintoƒuɔ 1 15:31

Banwa, kukpi ɔgbankpi ɔsiaku-mi kadi biala megye! Na mɔɔkɔliku lɛlɔ katɔ na amii ɔsu ɔkɛnku kalɛ na bɔ́bla unwi ku Kristo ɔsu. Anwuɔsu na muudie ɔmɛni keyi nwaa.

Korintoƒuɔ 1 15:49

Kalɛ kani na bubo ukyuli ɔni nási kalɔ lɛlɔ mɛni udu ni, lɛni kani na ukyuli ɔni nási katɔ ɔdubɔya na bɔkɛ nwuna udu.

Korintoƒuɔ 2 4:10

Bɔkya ɔgbankpi kemmo uwi biala ka badu-bu aani kalɛ na bádu Yesu. Nsu kalɛ na bɔmu buli ngba mɛni ni, lɛni kani na ɔɔtina ka Yesu lɛnɔ uli ngba.

Korintoƒuɔ 2 4:12

Ɔmɛni ɔsu bɔkya ɔgbankpi lɛbibo kemmo uwi biala, na amii bɛɛkɛ́ kɔyu kemmo ngba.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Korintoƒuɔ 2 6:9

Bekyuli balákpete-bu, nsu bagyi-bu kesii biala. Uwi ndi uwi bɔkya kukpi ɔgbankpi kemmo, nsu bɛnu! Bɔmu buli ngba! Báni-bu kɔtu geen, nsu bútekpi.