Korintoƒuɔ 2 3:7 - Katɔti Ɔku Kedee

⁷ Katɔti ɔda bubo bɔni na bénweni kukuuku mmɔ ni, bɔdi etemila ani na bánwi bámana atabi lɛlɔ. Na uwi ɔni na béti-nya béte bekyuli ni, Katɔti bukeye bɔ́ya na Mose anumi eekeye. Na ina ka bukeye bɔmmɔ bɔɔƒana na Mose anumi muedi ni, Israelƒuɔ bátakana na benye bataanu-nwu anumi. Na si ɔda bubo bɔni mɔɔdú-bu kukpi kɔtɔ bɔ́da bɔ́lɛ uwi ɔmmɔ ku Katɔti bukeye bɔmmɔ udu ni,

Korintoƒuɔ 2 3:7 ပူးပေါင်းရင်းမြစ်များ

Ala Kalɔ Buse 3:21

Ɔmmɔ kama ni, Unwoti Katɔti úti ebuo ɔku ɔ́bla adala úte Adam ku ulekudi na báda.

Nehemia 9:13

“Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Kɔgya 119:174

Unwoti, nnye ngya-a ka abáƒɔ-mi. Ɔsika ƒula ɔda bubo mɔɔyɔ́-mi kaƒɔ.

Kɔgya 119:97

Nu kalɛ sɔɔn na mɔɔyɔ́ ƒula litemi. Na mɔɔbla kasusu taasiku-ni lɛlɔ uwi biala.

Israelƒuɔ Bɔlɛ 24:12

Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Israelƒuɔ Bɔlɛ 32:19

Uwi ɔni na Mose ɔdaku bɔni bude kesii kani Israelƒuɔ básala belie na ɔ́nu ɔmantɛ akɔ ɔni bávɔ ku kalɛ bekyuli bammɔ bakya baatɔ́ taamana akɔ ɔni bávɔ mmɔ ni, kɔnyi kɔ́ƒɔ-nwu lɛlɔ kemmo na kɔbi kaƒɔna mmɔ na úƒwimi atabi anyɔ ani na Unwoti úti úte-nwu mmɔ ɔ́va kalɔ na ábwɛ kɔkɛ kɔkɛ.

Israelƒuɔ Bɔlɛ 34:1

Amu na Unwoti ɔ́su Mose ɔnini, “Nwi atabi anyɔ awɔdi aani kalɛ kani na edeedi ammɔ ese. Na ndubunweni etemila ani línweni lɛ́sia edeedi ani bɛ́bwɛ lɛlɔ lɛsia awɔdi ammɔ lɛlɔ.

Batalane Kabla 6:15

Na uwi ɔmmɔ ni, bekyuli bani nnye mmɔ bánu ka Steƒano anumi eekeye aani Katɔti ɔtu ɔdi kalɛ.

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Romaƒuɔ 4:15

Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.

Romaƒuɔ 7:10

Na ɔda bubo bɔni na nka bɔya na lɛkɛ ngba ni, amu néboku-mi kukpi mmomu.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Korintoƒuɔ 1 13:10

Nsu si lɛla lɛni nédu lɛ́wɔlɔ lɛ́da lɛ́lɛ ni, lɛni nétedu mmɔ lɛyii taakya.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 3:8

nwuna Kɔyu ablala bɔdubɔda bɔlɛ ku bukeye bɔni ntulo budeedi bɔmmɔ ƒui!

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Lɛkpa Ulu 4:13

Na ɔ́tɛmi úte-mii ɔ́siku ulu ɔni lɛlɔ na bɛdubɔsia na bɛdi nwuna lɛla lɛni na únyimiku-mii lɛlɔ na bitaadi Ɔda Bubo Leevu bɔni na únweni ɔ́sia atabi bɛbɛ anyɔ lɛlɔ mmɔ lɛlɔ.

Lɛkpa Ulu 4:8

Na kadi bamba bekyuli ina bebo lɛnyi muedi ni, bana ɔda bubo bulédu ɔda bubo siin bɔni na lɛ́tina-mii ɔmwi kadi mɛni.

Lɛkpa Ulu 5:22

Ɔda bubo bɔmɛni na Unwoti úti úte-mii uwi ɔni bɛ́sala binye kɔbi kɔmmɔ kaƒɔna. Na mmɔ bínu-nwu lɛdi bonwu bɛ́siku lɛgyavonku kemmo ku liƒlukutu bili bili kemmo na mmɔ use suu geen. Na únweni ala ammɔ ɔ́sia atabi anyɔ lɛlɔ na úti úte-mii. Na ɔ́sɔ útasu lɛla lɛdi útebunku ɔmmɔ.

Lɛkpa Ulu 9:15

Anwuɔsu líti atabi anyɔ bɛbɛ ani na Katɔti únweni kenye kani na únyimiku-mii ɔ́sia mmɔ na lɛ́yu kɔbi kɔni mɔɔda ku ogya bonwu mmɔ líbo.

Hebriƒuɔ 12:18

Amii biiise aani Israelƒuɔ bani nébenye lɛla lɛni na bakana bɔnu bɔti iye betuku kudɔ ɔni ndi Sinai kɔbi kɔni mɔɔda ku ogya bonwu na lɛdisa ku kesii kani nse suu na ɔƒɛƒɛɛ kpakplaa kemmo.

Hebriƒuɔ 3:3

Yesu ɔ́manku ɔbu útulo Mose aani kalɛ kani na ukyuli ɔni nátu ɔtɔ ɔ́ƒɔ lɛnyi útulo ɔtɔ ɔni na ɔ́tu mmɔ.

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.