Korintoƒuɔ 2 3:6 - Katɔti Ɔku Kedee

⁶ Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 3:6 ပူးပေါင်းရင်းမြစ်များ

Yeremia 31:31

Unwoti ɔnini, “Ami Unwoti mɔɔsu ka ni, uwi ɔdubo ɔni na ndubo lɛla lɛwɔdi bunyimiku Israel kadi bekyuli ku Yuda kadi bekyuli.

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 26:28

Ɔmɛni ndi mina ubugya ɔni na líti muusé kenye kani na Katɔti únyimi ku nwuna bekyuli likpo. Na ndubuti-nwu liwi kalɔ na bekyuli pii lili, kalɛ na Katɔti uti ekpidi ɔkyiɛ-ma.

Marko 14:24

Na ɔ́su-ma ɔnini, “Ɔmɛni ndi mina ubugya ɔni na ndubuti liwiakun na bekyuli pii lili, na ɔsɔ ɔdi bunyimi bɔwɔdi na bayawine ku Katɔti ntɛ.

Luka 22:20

Lɛni kani na úti ɔɔƒɛɛ ɔni kemmo na ntɛ buwi úte-ma na adila ammɔ kama na ɔ́su-ma ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úse likpo ku mina ubugya ɔni ndubuwi kalɔ na amii ɔsu.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 6:63

Katɔti Kɔyu muute ngba. Na ukyuli ɔlɔna ɔɔɔdi lɛla lɛdi. Ala ani ƒui na mɔɔsu-mii ni, ndanku Katɔti Kɔyu kɔni muute ngba líboku-mii.

Romaƒuɔ 1:5

Na ɔkɛnku Kristo lɛlɔ ni, Katɔti ɔ́nu-bu kɔnyana na úti-bu ɔ́bla batalane úte Kristo kalɛ na bɔya na kadi ƒui bekyuli baƒɔ badi na babla nwuna lɛyɔla.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 4:15

Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Romaƒuɔ 4:17

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Korintoƒuɔ 1 11:25

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.”

Korintoƒuɔ 1 12:28

Na baƒɔtaadine lɛkpa kemmo ni, Katɔti úti bula ƒui úse ekpo ani námanku-bu. Udeedi ni, batalane. Na unyɔdi ni, kenye bediene. Na ɔtɛdi ni, ala batinane, asa na bani mɔɔbla akɔla budie taatina. Na bani mbo ɔyikun ɔni na babwi lɛlɛ iye bebunku bekyuli iye banu kabla lɛlɔ iye batɛmi adi lidu lidu lɛnɔ basia-ma kama.

Korintoƒuɔ 1 15:45

Ɔsika ɔkya Bunweni Kedee Ɔku kemmo ka ni, “Ukyuli udeedi ɔni ndi Adam ni, Katɔti nédie-nwu na úte-nwu ngba aani ɔyawine.” Na Adam ukplodi ɔmɛni anwu ni, ɔdi Kɔyu kɔni muute ngba geen.

Korintoƒuɔ 1 3:10

Na Katɔti lɛla lɛni na úte-mi kenye ni, lɛ́bla kabla aani ɔtɔ ɔtune ɔbuni kalɛ. Na lɛ́kya ɔtɔ kalɔ lɛtabi. Na ukyuli bamba úbo ɔɔtú taasia. Nsu ɔdi ka ɔdi biala ɔnu kaduɛ kalɛ na ɔɔtú taasia ɔtɔ ɔmmɔ lɛlɔ.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Korintoƒuɔ 2 3:14

Sɔsɔ na ɔdi ka bana kasusu kalánu ɔmɛni taati. Use aani si lɛdiku lɛmmɔ udu kani lɛmu libi-ma kasusu lɛlɔ si baaká bunyimi bɔkukudi ɔku ɔmmɔ kemmo etemila. Ɔsika lɛla lɛni kani na ndubɔya na lɛdiku lɛmmɔ lɛmami ndi si ukyuli úti lɛlɔ ɔ́mana Kristo.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Korintoƒuɔ 2 3:7

Katɔti ɔda bubo bɔni na bénweni kukuuku mmɔ ni, bɔdi etemila ani na bánwi bámana atabi lɛlɔ. Na uwi ɔni na béti-nya béte bekyuli ni, Katɔti bukeye bɔ́ya na Mose anumi eekeye. Na ina ka bukeye bɔmmɔ bɔɔƒana na Mose anumi muedi ni, Israelƒuɔ bátakana na benye bataanu-nwu anumi. Na si ɔda bubo bɔni mɔɔdú-bu kukpi kɔtɔ bɔ́da bɔ́lɛ uwi ɔmmɔ ku Katɔti bukeye bɔmmɔ udu ni,

Korintoƒuɔ 2 3:9

Na si ɔda bubo bɔkukudi bɔni muuti kɔtɔ bɔdu teete ukyuli bɔdanku bukeye bɔmɛni udu ni, ɔlɛka bɔti ka litemi buni lɛni mɔɔbla-bu siin ni, nina bukeye butulo budeedi ƒui.

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Eƒesoƒuɔ 3:7

Katɔti ɔ́bla-mi nwuna litemi buni lɛmɛni kabla ɔblane ɔkɛnku litela lɛni na úti úte-mi ɔ́siaku nwuna ɔyikun lɛlɔ.

Lɛkpa Ulu 27:26

‘Ewida asiaku ukyuli ɔni naaadi Katɔti ɔda bubo ku nwuna ala bɔtina ƒui lɛlɔ.’ Na ɔlɛka bekyuli batuna banii, ‘Ɔsia lɛni.’ ”

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Hebriƒuɔ 12:24

Na bíbo bíbasiaku Yesu ɔni ndi bunyimi bɔwɔdi bɔmɛni kenye unyene. Na ɔ́kuna nwuna ubugya ɔni mɔɔsu etemila ani mbo ɔyikun etulo Abel ɔdi úwi-mii lɛlɔ.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Hebriƒuɔ 7:22

Ɔkɛnku Katɔti linyese lɛmɛni lɛlɔ ɔsu ni, Yesu ndi bula kama kekpokɔ na bunyimi bɔni ndia ntulo mɛni lɛlɔ.

Hebriƒuɔ 8:13

Na ka Katɔti ɔ́su ɔnii ɔdubuse bunyimi bɔwɔdi ni, na budeedi bɔ́bla bɔkukudi. Na lɛla lɛkukudi lɛni néetu uwi ni, lɛdubo bɔyii uwi klukui kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Yohane 1 1:1

Katɔti ngba litemi ndi anwu ɔni nkya ɔ́si kayawi kalɔ kesekɔ. Na ngba litemi lɛmmɔ lɛsa na bɔɔkɔ́. Búnu-nwu ala bɔsu na bɔ́nu-nwu ku anumi. Na sɔsɔ ni, búti bula enu bútuku-nwu. Uwi ɔni na ɔ́da ɔ́lɛ ni, abu bɔ́nu-nwu bɔ́ti.