Korintoƒuɔ 2 3:3 - Katɔti Ɔku Kedee

³ Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Korintoƒuɔ 2 3:3 ပူးပေါင်းရင်းမြစ်များ

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Kɔgya 42:2

Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?

Kɔgya 84:2

Na mɔɔwia geen ka lɛkya ƒula kaduli mmɔ. Na muudie ebiti lɛnu ku mina kayi ƒui teete awɔ Katɔti ɔni nli ngba uwi ƒui.

Israelƒuɔ Bɔlɛ 24:12

Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Israelƒuɔ Bɔlɛ 32:15

Amu na Mose únwini ɔ́yu kɔbi kɔmmɔ lɛlɔ na ɔdanku bunyimi atabi anyɔ ani na Unwoti ɔ́nwi na únweni ɔda bubo ɔ́sia-nya lɛlɔ mmɔ úboku.

Israelƒuɔ Bɔlɛ 34:1

Amu na Unwoti ɔ́su Mose ɔnini, “Nwi atabi anyɔ awɔdi aani kalɛ kani na edeedi ammɔ ese. Na ndubunweni etemila ani línweni lɛ́sia edeedi ani bɛ́bwɛ lɛlɔ lɛsia awɔdi ammɔ lɛlɔ.

Agba 3:3

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Agba 7:3

Nyimi-mu da ƒula animi lɛlɔ, Na enweni-mu akya ƒula kayi kemmo.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Yeremia 17:1

Unwoti ɔnini, “Ukyuli ɔdi ulakana amii Yuda kadi bekyuli bina ekpidi ani na bɛ́bla bunine budie. Bénweni-nya básia bina kɔyi lɛlɔ aani kalɛ na beebeyi lɛtabi teenweni lɛla lɛdi taasia-ni lɛlɔ iye ala ani na bɛɛnwí taasia bebuo ese ani nlɛ bina akpabi lɛlɔ na akpabi ammɔ ekpo ammɔ.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Esekiel 11:19

Na ndubɔda bina atuɔkplu bɔbla ƒui lidie-mii lɛlɔ na lɛya na anumi eteegyie-mii kalɛ na bɛsiaku-mii kama siin na biteenu-mi litemi

Daniel 6:26

“Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 3:7

Katɔti ɔda bubo bɔni na bénweni kukuuku mmɔ ni, bɔdi etemila ani na bánwi bámana atabi lɛlɔ. Na uwi ɔni na béti-nya béte bekyuli ni, Katɔti bukeye bɔ́ya na Mose anumi eekeye. Na ina ka bukeye bɔmmɔ bɔɔƒana na Mose anumi muedi ni, Israelƒuɔ bátakana na benye bataanu-nwu anumi. Na si ɔda bubo bɔni mɔɔdú-bu kukpi kɔtɔ bɔ́da bɔ́lɛ uwi ɔmmɔ ku Katɔti bukeye bɔmmɔ udu ni,

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Hebriƒuɔ 10:16

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ.”

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.

Budie Taatina 2:1

Amu na ɔ́su ami Yohane ɔnini, “Nweni ɔku te Eƒeso baƒɔtaadine lɛkpa ɔtu anii, “Ami Yesu nda ayabi maatɛ na mina kɔdianu na muusié teebo na sika ugyiedi ligyii maatɛ lɛni lɛlɔ na asogya ɔɔsia mmɔ ntɛ. Na ami mɔɔsu kenye kamɛni.

Budie Taatina 2:12

Na ɔ́su-mi ɔnini, “Nweni ɔku te Pergamo baƒɔtaadine lɛkpa ɔtu anii, “Ami Yesu mbo kewii kani bádɔ-ka lɛvi inyɔ mmɔ. Na ami mɔɔsu kenye kamɛni.

Budie Taatina 2:18

“Nweni ɔku te Tiatira baƒɔtaadine lɛkpa ɔtu anii, “Ami Yesu ndi Katɔti Ubidi. Na mina anumi aada aani ogya na mina lɛgba liikeye aani lɛbuala lɛni bákya ogya na lígyie. Ami mɔɔsu kenye kamɛni.

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.

Budie Taatina 3:1

Ɔ́sɔ ɔ́su-mi ɔnini, “Nweni te Sardi baƒɔtaadine lɛkpa ɔtu anii, “Lɛni na ukyuli ɔni mɔɔdi ayu maatɛ ani mɔɔbla Katɔti kabla na nwuna lɛga boku anumi lɛlɔ na ɔda ayabi maatɛ ammɔ na nwuna kɔdianu ɔɔsu.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Budie Taatina 3:22

Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ.”

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”