Korintoƒuɔ 2 3:18 - Katɔti Ɔku Kedee

¹⁸ Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Korintoƒuɔ 2 3:18 ပူးပေါင်းရင်းမြစ်များ

Kɔgya 84:7

Na baakɛ́ ɔyikun teebu limeyi ndi limeyi. Na badubɔnu benwoti ƒui Unwoti ɔni ndi Katɔti na Sion Kɔbi lɛlɔ.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 12:41

Yesaia ɔ́nu ɔ́ti Yesu kenyekɔ ku ɔbu. Anwuɔsu na ɔ́su lɛla lɛmɛni ɔ́siku-nwu lɛlɔ ka badubuni-nwu.

Yohane 17:22

“Líte-ma lɛnyi buni lɛni na éte-mi kalɛ na bana ƒui babla unwi kalɛ kani na ami ku-ɔ bɔdi unwi.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Korintoƒuɔ 1 13:12

Ala ani na bɔɔnu ɔƒɛni ni, ese aani kalɛ na baanu lɛla lɛdi ƒlu ƒlu na asogya kemmo. Na kama asa na bɔdubɔnu-ni nwaa anumi ku anumi. Na lɛla lɛni na ngyi ɔƒɛni ni, lítedu lítawɔlɔ. Nsu kama ni, lɛdubo libedu lɛwɔlɔ na ɔbla nwaa aani kalɛ kani na Katɔti ɔgyi-mi ƒui.

Korintoƒuɔ 1 15:49

Kalɛ kani na bubo ukyuli ɔni nási kalɔ lɛlɔ mɛni udu ni, lɛni kani na ukyuli ɔni nási katɔ ɔdubɔya na bɔkɛ nwuna udu.

Korintoƒuɔ 2 3:17

Na ɔƒɛni ni, Blɔti ɔni na bɔɔlɔ mɛni ni, anwu ndi Katɔti Kɔyu. Na kesii kani na Katɔti Kɔyu kɔkya ni, lɛla lɛdi lɛsɔ lilényimi ukyuli.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Tito 3:5

ɔ́ƒɔ-bu. Ɔɔɔdi banii bula lɛbuni lɛni na bɔ́bla ɔsu, mmomu Katɔti ɔkɛ anwu ɔlati kɔnyana bɔnu ɔsu na ɔ́ya na nwuna Kɔyu kɔ́ƒɔ-bu. Kɔyu kɔmmɔ mɔɔsɔku-bu taawɔ na kuute-bu ngba bɔwɔdi, na kɔɔyá na bɔɔbla kedee.

Yakobo 1:23

Ɔsika ukyuli ɔni na bunu kani na uunú litemi buni lɛmmɔ na ulábla taasiaku-ni lɛlɔ ni, use aani ukyuli ɔni na úti asogya na ɔ́nu kalɛ na nwuna anumi ese. Nsu kɔnakunwi ka ɔ́gyu lɛgba na mmɔ ni, ɔ́yiƒala kalɛ na use.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.