Korintoƒuɔ 2 3:14 - Katɔti Ɔku Kedee

¹⁴ Sɔsɔ na ɔdi ka bana kasusu kalánu ɔmɛni taati. Use aani si lɛdiku lɛmmɔ udu kani lɛmu libi-ma kasusu lɛlɔ si baaká bunyimi bɔkukudi ɔku ɔmmɔ kemmo etemila. Ɔsika lɛla lɛni kani na ndubɔya na lɛdiku lɛmmɔ lɛmami ndi si ukyuli úti lɛlɔ ɔ́mana Kristo.

Korintoƒuɔ 2 3:14 ပူးပေါင်းရင်းမြစ်များ

Kɔgya 69:23

Na aya na bana anumi abwɛ na batanu lɛla lɛdi batati, na aya na bana lɛbibo linwini etila asia-ma lɛlɔ uwi biala.

Yesaia 25:7

Na kɔbi kɔmɛni lɛlɔ ni, na ala ani béti bákwa bekyuli ƒui lɛlɔ aani ukpine kɔvadi bébo báda-ma lɛlɔ ni, Unwoti ɔdubo-nya bɔmami budie ku aduni ani nda-ma lɛlɔ ƒui.

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 56:10

Amii Israel kadi benengu, amii na nka ɔlɛka binye bitaagyumana mina bekyuli aani bakpewe bani mɔɔgyumana kaduli. Nsu biiinye bilasia lɛla biala anu na bilebo-ma ɔda ɔdi lɛnɔ. Mmomu bulie kani na bilie biisié taasɔ na bɛɛlɛɛ.

Yesaia 59:10

Na enu kani na bɔkɛ buubó aani banumbwɛne. Na ɔƒiiwi nwaa muedi bɔkɛ buutulo aani si usien na bɔkɛ iye kekpine na bɔkya.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Yeremia 5:21

Bi ɔsu na bilenu ala kalɔ si mɔɔtɛmiku-mii, amii badɔlɔdi?

Esekiel 12:2

“Esekiel, ɔyawine ubi, bekyuli bani mɔɔkya lɛsɛ akɔ na akya. Bebo anumi, nsu béni banii balanu baláti. Na bebo atu, nsu béni banii belese atu na benu.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Mateo 6:23

Nsu si ƒula anumi alánu nwaa ni, lɛdisa lɛdubɔƒɔ-ɔ lɛlɔ ƒui. Anwuɔsu si ƒula bukeye búnwini lɛdisa ni, na ɔdubɔbla-a suu geen.

Yohane 12:40

“Ami Katɔti lɛ́bala-ma anumi kalɛ na balanu lɛla lɛdi balati. Na lɛ́ya na bádɔlɔ kalɛ na belénu ala kalɔ. Ɔmmɔ ɔsu belénwini belebo-mii kudɔ kalɛ na lɛbwi-ma.”

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Batalane Kabla 13:15

Na uwi ɔni na báka ala básiku Mose ɔda bubo ɔku ku Katɔti Kenye bediene bunweni kemmo bawɔlɔ ni, kasalakɔ batɔnkune bammɔ básu banini, “Banwa, si bina akɔ ɔdi ubo litemi lɛni mɔɔkya ɔkplu na wasu ni, na ubo ubasu.”

Batalane Kabla 15:21

Ɔsika ɔ́si kuuku ni, ala ani na Mose únweni úse mɛni ni, anya na baaká na baasu na Yudaƒuɔ kasalakɔ na lɛnwunameyi biala na lɛma biala kemmo.”

Batalane Kabla 16:14

Na bana kemmo unwi baalɔ banii Lidia. Uuyé adi egyiedi na Tiatira, na ɔdi ukyuli ɔni mɔɔbu Katɔti geen. Na uwi ɔni na ɔkya uunú bula butemi bɔmɛni ni, Blɔti úbimi-nwu kasusu na ɔ́ƒɔ etemila ani na Paulo ɔ́su mɛni ƒui.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Korintoƒuɔ 2 3:15

Sɔsɔ úti úbedu ku ɔmwi ni, si baaká Mose ɔda bubo ɔku kemmo etemila ammɔ ni, use aani lɛdiku lɛmmɔ lɛmu libi-ma kasusu lɛlɔ na belenu-mu kalɔ.

Korintoƒuɔ 2 3:6

Anwu úte-bu kenyekɔ ka bɔtina bekyuli kalɛ na badi bunyimi bɔwɔdi bɔni na Katɔti únyimi ku bekyuli mɛni lɛlɔ. Na bunyimi bɔwɔdi bɔmɛni bɔɔɔdanku ɔda bubo bɔkukudi bɔni na bénweni. Mmomu bɔdanku Katɔti Kɔyu. Ɔsika ɔda bubo bɔkukudi bɔmmɔ ni, bɔɔdú-bu kukpi kɔtɔ. Nsu Katɔti Kɔyu muute-bu ngba.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.