Korintoƒuɔ 2 2:9 - Katɔti Ɔku Kedee

⁹ Ɔmɛni ɔsu na línweni-mii ɔku na lɛ́wia nnii mɔɔtí kalɛ na binye kpakplaa na bɛda mina ala ani ƒui na lɛ́tina-mii kaduɛ uwi biala.

Korintoƒuɔ 2 2:9 ပူးပေါင်းရင်းမြစ်များ

Israelƒuɔ Bɔlɛ 16:4

Amu na Unwoti ɔ́su Mose ɔnini, “Ndubɔya na adila ataana taasi katɔ teete-mii aani ɔnantu. Na limeyi ndi limeyi ni, ya na bekyuli bammɔ balɛ na batála kalɛ kani medu-ma bɔdi limeyi kenye. Na ɔmɛni ndubuti bɔkɔku-ma bɔnu si badubo mina ɔda bubo lɛlɔ bɔdi.

Korintoƒuɔ 2 10:6

Na si uwi ɔni na bídie bɛ́tina ka bɛdi Kristo etemila lɛlɔ ƒui ni, ɔmmɔ kama ukyuli biala ɔni mata menye litemi lɛmɛni lɛlɔ ni, bɔdubɔni-nwu kɔtu.

Korintoƒuɔ 2 2:3

Na línweni ɔku kpakplaa ɔmmɔ límene-mii ɔsika si bubo na líbo-mii kudɔ uwi ɔmmɔ kemmo ni, nka bɛdubɔya na enu aƒɛ-mi. Nsu amii ndi bekyuli bani nálɛka bɛya na lɛlɔ lɛyɔ-mi. Na lɛ́ƒɔ lɛ́di ka si lɛlɔ lɛɛyɔ́-mi ni, amii lɛnɔ lɛlɔ lɛdubɔyɔ-mii.

Korintoƒuɔ 2 2:4

Sɔsɔ ni, ɔku ɔni na línweni-mii mmɔ ni, línweni-nwu na kayi ɔlɛ bunu ku enuƒɛ ku keku buwulo kemmo. Na ɔɔɔdi ka mɔɔwia nnii amii lɛnɔ binu ɔlɛ ɔdi, mmomu kalɛ na bɛnu bɛti ka mɔɔyɔ́-mii geen ɔsu.

Korintoƒuɔ 2 2:8

Ɔmɛni ɔsu ni, bise-nwu kayi na bidie bɛtina-nwu ka bɛmu bɛɛyɔ́-nwu.

Korintoƒuɔ 2 8:2

Béduo bukpoku taanu kpakplaa kemmo na lɛbibo lɛni nébo-ma lɛlɔ ɔsu. Nsu ɔmɛni kemmo ƒui ni, ebiti áda-ma geen na lɛni kani na béte bekyuli ala pii ku kaƒɔ ƒaa ina ka badi bawabane geen.

Korintoƒuɔ 2 8:24

Bɛyɔ-ma kalɛ na baƒɔtaadine bakladi ƒui banu bati ka sɔsɔ ni, ɔdi ulu lɛlɔ ka bɔɔkun lɛmɛnɛ na amii ɔsu.

Lɛkpa Ulu 13:3

bitenu-nwu litemi. Ɔsika bina Unwoti Katɔti ɔɔsia-mii anu geen na ɔɔkɔ́ku-mii taanu si bɛɛyɔ́-nwu ku kayi ƒui.

Lɛkpa Ulu 8:16

Na úte-mii adila ani ndi manna na kalɔ kakwiidi kammɔ kemmo. Na adila ɔmmɔ udu ni, bina bati kuuku muedi bátati-nya kudii. Na Unwoti Katɔti ɔ́bla ɔmɛni ɔnii ɔɔnu si bɛdubɔti ka anwu nda-mii, na ɔkɔku bina bɔƒɔtaadi ɔnu kalɛ na weti ala abuni wete-mii na kawɔlɔkɔ ku kaƒɔ ƒaa.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Ƒilipiƒuɔ 2:22

Nsu Timoteo anwu ni, amii alati bɛgyi kalɛ na nwuna udu buni ɔmmɔ use. Ɔsika aani kalɛ na ubi ku ɔti baabla kabla taasala ni, lɛni geen na úbunku-mi na litemi buni lɛmmɔ bɔsu kemmo.

Tesalonikaƒuɔ 2 3:14

Na si ukyuli ɔdi ulábla taasiaku litemi lɛni na bɔ́su-mii na ɔku ɔmɛni kemmo lɛlɔ ni, bise-nwu likpo na bɛda lɛlɔ bɛmami-nwu lɛlɔ na kɔƒa kukpo-nwu.

Ƒilemon 1:21

Líti ɔku ɔmɛni muumene-ɔ na lɛ́ƒɔ lɛ́di ka adubɔbla lɛla lɛni na muuye-ɔ mɛni. Na ngyi geen ka adubɔbla etulo kalɛ na muuye-ɔ mɛni muedi.