Korintoƒuɔ 2 2:17 - Katɔti Ɔku Kedee

¹⁷ Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 2:17 ပူးပေါင်းရင်းမြစ်များ

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Batalane Kabla 20:20

Bɛɛnu-mi kaƒɔ. Lɛɛɛdi ulikplune. Na Blɔti ala ani ƒui ngyi na nwuna lɛlɔ ni, anya na lɛtina-mii, na ńteti ɔdi ńtabla-mii. Lɛ́tina Blɔti litemi lɛmɛni na kadi ƒui anumi ku bina kɔduli.

Batalane Kabla 20:27

Sɔsɔ ni, ńteti Katɔti lɛga kadikɔ ulu lɛla lɛdi ńtabla-mii.

Korintoƒuɔ 1 5:8

Anwuɔsu ni, bitaya na bɔdi bula Kukpi Lili Bɔvia Limeyi ku bodobodo ɔni kemmo na bɔnyii bɔkukudi bɔni ndi likpidi ku likyulikpi ala ani bɔɔbla akya. Mmomu bɔɔdi limeyi lɛmɛni ku bodobodo ɔni kemmo na bɔnyii buuubo na bɔɔtina ka bɔɔɔdi anumi lɛlɔ bekyuli. Mmomu bɔkɛnku litemi geen lɛmmɔ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 1:18

Mmomu kalɛ na Katɔti ɔɔdi nwuna etemila lɛlɔ geen ni, lɛni kani na lɛla biala na búnweni búmene-mii lise. Na lɛɛɛdi kalɛ na ukyuli ɔɔbabla taasu ɔnii ɛɛn ku oowo na ɔdi.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 12:19

Bɛɛbu uwi ɔmɛni ƒui bɛnii lɛlɔ kenye na buudie na bina anumi? Oowo! Katɔti ɔ́bla-bu unwi ku Kristo na bɔɔsu lɛla biala na nwuna anumi. Banwa, na lɛla biala na bɔɔsu-mii ni, kalɛ kani na bina bɔƒɔtaadi bɔkɔ katɔ bubu ɔsu.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 6:7

Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Galatiƒuɔ 1:6

Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.

Tesalonikaƒuɔ 1 2:4

Mmomu litemi geen lɛmmɔ na bɔ́su-mii. Na bɔɔtɛmiku-mii uwi biala aani kalɛ na Katɔti ɔɔwia ka bɔbla. Ɔsika anwu ɔlati nákɔku-bu ɔ́nu ka bɔmanku ka bɔsu nwuna litemi buni. Na ɔɔɔdi aani kalɛ na bekyuli lɛƒɔyɔ lɛɛtina, mmomu aani kalɛ na Katɔti ɔni ngyi ukyuli biala kayi kemmo lɛyɔla lɛɛtina.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Hebriƒuɔ 11:27

Na ɔkɛnku bɔƒɔtaadi bɔmmɔ ɔsu na ɔ́tɔlɔ Egyipte ɔni na útayia kɔnyi kɔni na ɔga ɔmmɔ wakɛ. Na únye kpakplaa aani si bɔnu na ɔ́ɔnu Katɔti ɔni na bula anumi alákana bɔnu tɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.