Korintoƒuɔ 2 2:12 - Katɔti Ɔku Kedee

¹² Uwi ɔni na líbo ḿbakɔ Kristo litemi buni lɛmmɔ lɛsa na Troia ni, Blɔti ɔ́lɛmi kuƒi ka lɛbla nwuna kabla na mmɔ.

Korintoƒuɔ 2 2:12 ပူးပေါင်းရင်းမြစ်များ

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Batalane Kabla 16:11

Amu na bútélie ɔkɔlɔ ɔdi kemmo na Troa, na bɔ́via búsie Samotrake. Na ka kadi kégye ni, búsie bútéduo Neapoli.

Batalane Kabla 16:8

Anwuɔsu básɔ bénwini básia Misia kalɔ na bétédu ɛpu kudɔ na ɔma ɔni baalɔ Troa.

Batalane Kabla 20:8

Na bátu likpo pii bése ɔtɔ ɔtɔdi ɔmmɔ kemmo.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Korintoƒuɔ 1 16:9

Kuƒi kɔbuni kɔkya mɛni geen ute kabla kenengudi kani náƒɔ kuye geen, ina ka bekyuli bani mɔɔta teenye-mi lɛlɔ na kabla kani mɔɔbla na mɛni bemomo.

Korintoƒuɔ 1 9:12

Si bekyuli bamba bébo kuƒi ka bakɛ kɔsia kɔdi basiku-mii kudɔ ni, na abu bubo kuƒi kɔmmɔ udu butulo-ma muedi. Nsu abu búteti kuƒi kɔmmɔ bútablaku lɛla lɛdi. Mmomu abu búti lɛla biala bɔ́sia lɛlɔ kalɛ na Kristo litemi buni lɛmmɔ lɛkɛ ulu na ligyingya lisie kesii biala.

Korintoƒuɔ 1 9:14

Lɛni kani geen na Blɔti úbo ɔda ɔnii bekyuli bani mɔɔkɔ́ litemi buni lɛmmɔ lɛsa teete bekyuli ni, lɛsa lɛni baakɔ́ kemmo na ɔlɛka badi.

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Korintoƒuɔ 2 10:14

Na ka bɛkya ekpo ani na Katɔti úti úte-bu kemmo ɔsu ni, bútavia bula kenyekɔ. Ɔsika abu náka-mii kudɔ bubo ku Kristo litemi buni lɛmmɔ.

Korintoƒuɔ 2 11:4

Lɛni na bɛɛbabla teegyingya enu taaƒɔ ukyuli biala ɔni muubo taabasu-mii litemi lɛbambadi lɛni mɔɔvumana Yesu ɔni lɛlɔ lɛsa na bɔ́kɔ búte-mii udu. Na bɛɛƒɔ́ kɔyu ku litemi lɛni naaadi Katɔti Kɔyu ku bula litemi buni lɛmmɔ taadi.

Korintoƒuɔ 2 11:7

Uwi ɔni na lɛ́ka litemi buni lɛmmɔ lɛsa bɔkɔ bute-mii ni, ńtakya-mii kayu kadi. Mmomu líboku lɛlɔ kalɔ kalɛ na lɛtalaku-mii katɔ. Na ɔni na lɛ́bla ɔmɛni ɔsu na lɛ́bla likpidi lɛdi?

Korintoƒuɔ 2 4:3

Na si litemi buni lɛni lɛsa na bɔɔkɔ́ mɛni lɛmu lise bekyuli badi suu ni, bɛgyi bɛnii bekyuli bani ndaku bɔyii na use ute lɛni.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 8:18

Na lɛnɔ ni, búti ɔnwa ɔni na baabu geen na baƒɔtaadine akpa ƒui akɔ ku kalɛ na ɔɔsu litemi buni lɛmmɔ ɔsu buumene-mii ku Tito.

Korintoƒuɔ 2 9:13

Bina kaƒɔ ƒaa kebunku kani biite bekyuli mɛni mɔɔtina ka bɛɛdi Kristo litemi buni lɛmmɔ lɛlɔ geen. Na kalɛ na biidie bina bɔƒɔtaadi keyi ku kalɛ na biile ala ani nse-mii teete lɛlɔ ku bekyuli bamba lɛnɔ ɔsu ni, bekyuli pii badubuti ɔbu bete Katɔti.

Koloseƒuɔ 4:3

Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Tesalonikaƒuɔ 1 3:2

Na bɔtala Timoteo na ubo ubakya-mii ɔkplu, na ubunku-mii na bina bɔƒɔtaadi kemmo. Anwu ndi bula ɔnwa ɔni muubunku-bu na Katɔti kabla ku Kristo litemi buni lɛmɛni bɔsu kemmo.