Korintoƒuɔ 2 2:11 - Katɔti Ɔku Kedee

¹¹ Ɔmɛni ndubɔya na butile ukisine ɔmmɔ kuƒi na ulákɛ kasiakɔ kadi na bula lɛlɔ, ɔsika bɔgyi-nwu kɔkwɛ.

Korintoƒuɔ 2 2:11 ပူးပေါင်းရင်းမြစ်များ

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Hiob 2:3

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Hiob 2:5

Nsu si banii énene kɔnu ɔƒaani na ákya-nwu ɔlɔna ɔlɛ ɔdi ni, adubɔnu ka ɔdubo-ɔ animi butaakywɛɛ na uteewida-a anumi ku anumi.”

Hiob 2:9

Amu ka ulekudi ɔ́da úbalɛ ni, úye-nwu ɔnini, “Bi? Bɔsiaku na amu asiaku Unwoti kama? Wida-nwu na ekpi!”

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Luka 22:31

Mmɔ na Yesu ɔ́su Simon Petro ɔnini, “Simon, Simon! Se atu! Katɔti úte Satan kuƒi ka ɔkɔku-mii ɔnu na ule bani ndia ku bani naaadia ntɛ aani kalɛ umonsene ɔɔƒɛ́ kamu ebi taalɛku ligyɔ kemmo.

Yohane 13:2

Na useyi ɔmmɔ ka Yesu ku nwuna batɛyane bésie belie kadikɔ badaku bɔdi ni, ukisine ɔmmɔ ɔ́ɔya na kasusu kekpidi kéduo Yuda ɔni ndi Simon Iskariot ubidi lili kemmo kalɛ na ɔkya Yesu kakya.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Korintoƒuɔ 2 11:14

Na ɔmɛni ɔɔɔdi lɛla lɛwɔdi, ɔsika Satan ɔɔvumana lɛlɔ na ɔɔbla aani Katɔti ɔtu ɔni ndanku Katɔti bukeye.

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Budie Taatina 2:24

“Nsu amii bakladi bani nkya Tiatira na bɛɛɛsiaku nwuna ala bɔtina kama na bítatɛya Satan ala abɛdi ani baasu ka ana kemmo ágyu mmɔ ni, mɔɔsu-mii ka nsɔ lɛɛɛdubo etila abambadi adi buti bɔsia-mii lɛlɔ.