Korintoƒuɔ 2 13:8 - Katɔti Ɔku Kedee

⁸ Ɔsika bulakana bɔta bunye litemi geen lɛmmɔ lɛlɔ na ulu biala lɛlɔ, mmomu na bɔda-ni na lisie lɛtɔtɔ libu.

Korintoƒuɔ 2 13:8 ပူးပေါင်းရင်းမြစ်များ

Baga 1 22:28

Amu na Mikaia údie kenye ɔnini, “Si énwini ébeduo buɛɛ ni, na agyi anii Unwoti útatɛmi útasiaku-mi lɛlɔ.” Amu na ɔ́su bekyuli bammɔ ɔnini, “Bise mina litemi lɛni lɛ́su mmɔ likpo!”

Agba 21:30

Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Agba 26:2

Kalɛ na lɛsɛɛmɛɛ liibó avwi na lɛkpaƒɛɛlɛ liiveyi taatɔlɔ ni, lɛni na si éwida ukyuli kekeeke, nsu útabla lɛla lɛdi na eewida ammɔ eeveyi taatɔlɔ-nwu kudɔ.

Marko 9:39

Yesu ɔ́su-ma ɔnini, “Bitetile-nwu kuƒi, ɔsika ukyuli ɔni mɔɔbla akɔla budie taatina na mina lɛnyi kemmo ni, ulásu lɛla likpidi taasiku-mi lɛlɔ.

Korintoƒuɔ 2 10:8

Na si lɛ́kun lɛmɛnɛ líbu na kenyekɔ kani na bubo lɛlɔ ɔsu ni, Katɔti ulálɛ-mi kama. Ɔsika anwu néte-bu kenyekɔ kamɛni kalɛ na bina bɔƒɔtaadi bɔkɔ katɔ bubu. Na ɔɔɔdi kani maya na bina bɔƒɔtaadi bubo kalɔ.

Korintoƒuɔ 2 13:10

Muunweni-mii ɔku ɔmɛni uwi ɔni na liiibo-mii kudɔ mɛni, kalɛ na si líbo ḿbeduo-mii kudɔ ni, na naaani-mii kɔtu kpakplaa na kenyekɔ kani na Blɔti úte-mi kenye. Úte-mi kenyekɔ kamɛni kalɛ na bina bɔƒɔtaadi bɔkɔ katɔ bubu, na ɔɔɔdi kani maya na bɔyu kalɔ.

Korintoƒuɔ 2 13:7

Buuvele Katɔti bɔnii ɔda-mii na bilabla likpidi lɛdi. Na bulévele ɔmɛni kalɛ na buti bɔtina ka abu búdu na bula batalane kabla bɔbla kemmo ɔsu. Mmomu bɔɔwia ɔmɛni kalɛ na amii bitaabla lɛla lɛni ndia si ina ɔ́lɛ aani abu bútabla bula kabla na kedu.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Timoteo 1 1:20

Na bana akɔ badi ndi Himeneo ku Aleksandro. Lɛ́ni-ma kɔtu na líti-ma líte ukisine ɔmmɔ kalɛ na bebo abi na nwuna enu kemmo. Ɔmɛni ndubɔya na batɛya lɛla na bada enyekpi bɔtɛmi taasiku Katɔti lɛlɔ baya.